ڈسٹرکٹ ہیلتھ سوسائٹی ڈوڈہ نے میر لائنز کشتواڑ کے خلاف جیت درج کی
لازوال ڈیسک
کشتواڑ؍؍ڈسٹرکٹ ہیلتھ سوسائٹی ڈوڈہ کی ٹیم نے چوگان گراؤنڈ کشتواڑ میں ڈسٹرکٹ پولیس کے زیر اہتمام جاری چوتھے امان میموریل کرکٹ ٹورنامنٹ میں میر لائنز کشتواڑ کی ٹیم کے خلاف 06 وکٹوں سے جیت درج کی۔اس سے پہلے ٹاس جیتنے کے بعد ڈی ایچ ایس ڈوڈہ کی ٹیم نے پہلے گیند بازی کرنے کا فیصلہ کیا۔ میر لائنز کی ٹیم نے بیٹنگ کرتے ہوئے مقررہ 10 اوورز کے کھیل میں 07 وکٹوں کے نقصان پر 55 رنز کا ہدف دیا۔ ذاکر میر، محفوظ اور بنٹی نے بالترتیب 14، 8 اور 8 رنز بنائے۔ ڈی ایچ ایس ڈوڈا کی جانب سے جہانگیر مہتا، الطاف حسین اور ارشاد احمد نے 02، 02 وکٹیں حاصل کیں، اس کے بعد وسیم راجہ نے 01 وکٹ حاصل کی۔جواب میں ڈی ایچ ایس ڈوڈا نے مقررہ ہدف صرف 7.1 اوور میں 04 وکٹوں کے نقصان پر حاصل کر لیا۔ وسیم راجہ 11 رنز بنانے والے ٹاپ سکورر رہے جبکہ زاہد وانی نے 10 رنز بنائے۔ میر لائنز کشتواڑ کی طرف سے مسافر، صفیر، عبید اور جگنو نے 01 وکٹیں بانٹیں۔بعد ازاں ڈی ایچ ایس کشتواڑ کے الطاف حسین کو بہترین باؤلنگ پرفارمنس پر مین آف دی میچ قرار دیا گیا۔میچ کی امپائرنگ معصوم راشد، جتندر سنگھ، پون کمار اور جلیل احمد نے کی۔
