چندر موہن، وکاس چودھری اور دل بہادر نے بی جے پی ہیڈ کوارٹر میں عوامی شکایات سماعت کیں

بھارتیہ جنتا پارٹی کا مشن ملک اور اس کے لوگوں کی خدمت کرنا ہے:وکاس چودھری
لازوال ڈیسک
جموں؍؍جے اینڈ کے بی جے پی کے نائب صدر چندر موہن گپتا (سابق میئر) نے پارٹی سکریٹری وکاس چودھری اور سوچھ بھارت ابھیان کے انچارج دل بہادر سنگھ جموال کے ہمراہ بی جے پی ہیڈ کوارٹر، تریکوٹہ نگر، جموں میں لوگوں اور وفود کے ذریعے پیش کی گئی شکایات کو سنا۔اس موقع پرچندر موہن گپتا نے دورہ کرنے والے لوگوں اور وفود کی شکایات پر توجہ دیتے ہوئے کہا کہ ہر گزرتے دن کے ساتھ پارٹی ہیڈ کوارٹر پہنچنے والے لوگوں کی تعداد میں اضافہ ہوتا جا رہا ہے اور یہ اس بات کا اشارہ ہے کہ لوگوں میں یہ یقین پیدا ہوا ہے کہ یہ صرف بی جے پی ہی ہے جو واقعی عوام کی فلاح و بہبود کے لیے پرعزم ہے۔ انہوں نے کہا کہ بی جے پی کبھی بھی لوگوں کو گمراہ کرنے میں ملوث نہیں ہے بلکہ مختلف شعبوں میں ترقی کی حقیقی تصویر اور نریندر مودی حکومت کے غریبوں کے حامی پروگراموں اور پالیسیوں کو ان کی دہلیز پر پہنچانے میں یقین رکھتی ہے۔اس موقع پروکاس چودھری نے کہا کہ بی جے پی نہ صرف عوام کے ووٹ حاصل کرنے کی ایک سیاسی پارٹی ہے بلکہ اس کا مشن ملک اور اس کے لوگوں کی خدمت کرنا ہے۔