یو این آئی
پڈوچیری// اداکارہ سے لیڈر بنے کمل ہاسن کی سیاسی پارٹی مکل ندھی میم (ایم این ایم) نے پڈوچیری یونیورسٹی کی تقریب اسناد تقریب سے ایک گولڈ میڈلسٹ طالبہ کو واپس کئے جانے کی سخت تنقید کی ہے ۔صدر رامناتھ کووند نے پیر کو اس تقریب سے خطاب کیا تھا اور طالبہ کو ڈگریاں دی تھیں۔ایم این ایم کی پڈوچیری یونٹ کے صدر ایم اے ایس سبرامنیم نے منگل کو ایک بیان جاری کرکے کہا کہ یونیورسٹی کو شہریت ترمیمی قانون (سی اے اے کی مخالفت کرنے والے طلبا کی ایک فہرست بنا لینی چاہئے تھی۔ اسے ایسے طلبا کے بارے میں بھی پتہ لگا لینا چاہئے تھا کہ کون طالب علم صدر کے ہاتھوں ڈگریاں نہیں لینا چاہتے ہیں۔ ایسا کرنے کے بعد انہیں ایسے طلبا کو دعوت ہی نہیں بھیجنی چاہئے تھی۔ڈاکٹر سبرامنیم نے کہاکہ یونیورسٹی نے تمام طلبا کو بلایا اور گولڈ میڈلسٹ ربیحا عبدالرحیم کو واپس کردیا۔ اس کے لئے یونیورسٹی انتظامیہ کو معافی مانگنی چاہئے ۔ انہوں نے کہا کہ پڈوچیری کو کاروباری اور صنعت کار اس مسئلہ پر تبادلہ خیال کررہے ہیں کہ کیا اقتصادی مندی کے وقت سی اے اے کی مخالفت میں کانگریس کی طرف سے 27دسمبر کو بند کی اپیل ضروری ہے ۔ انہوں نے کہا کہ اگر سی اے اے پر احتجاج درج کرانا تھا تو وزیراعلی وی نارائن سامی کو صدر کے پڈوچیری دورہ کا بائیکاٹ کرنا چاہئے تھا۔ڈاکٹر سبرامنیم نے کہا کہ مسٹر نارائن سامی و ہ کررہے ہیں جسے انہیں نہیں کرنا چاہئے اور جو کرنا چاہئے اسے وہ اسے نہیں کررہے ہیں۔ انہوں نے کہا کہ اس مرکز کے زیرانتظام ریاست میں پناہ گزیں نہیں ہیں اس لئے بند سے اس علاقہ کی ترقی متاثر ہوگی۔انہوں نے کہا کہ وزیراعلی کو اپنے ‘ورڈس میجک’ کو بند کرکے لوگوں کی فلاح وبہبود اور علاقہ کی ترقی پر توجہ دینی چاہئے
