یاسین ایم چودھری کی رہنمائی میں محکمہ یوتھ سروسز اینڈ سپورٹس نے زونل سطح کے مقابلے کامیابی سے مکمل کئے
لازوال ڈیسک
پونچھ؍؍ڈپٹی کمشنر پونچھ یاسین ایم چودھری کی رہنمائی میں محکمہ یوتھ سروسز اینڈ سپورٹس نے زونل سطح کے مقابلے کامیابی سے مکمل کئے۔اب، محکمہ آزادی کا امرت مہوتسو کرکٹ کپ 2023 کے زیراہتمام ضلعی سطح کے مقابلے کی میزبانی کرنے جا رہا ہے۔ضلعی چیمپئن شپ کے لیے گیارہ زونز کی ٹاپ ٹیمیں ناک آؤٹ کی بنیاد پر مقابلہ کریں گی۔یہ ٹورنامنٹ 2 اگست 2023 کو ڈگری کالج گراؤنڈ پونچھ میں شروع ہوگا۔محکمہ یوتھ سروسز اینڈ اسپورٹس نے ضلع کے تمام شائقین کرکٹ سے اپیل کی ہے کہ وہ بڑی تعداد میں باہر آئیں اور اپنی پسندیدہ ٹیموں کو سپورٹ کریں۔
