وسیع علاقے میں تلاشی آپریشن کا آغاز
یواین آئی
جموں؍؍جموں وکشمیر کے بالا کوٹ سیکٹر میں فوج نے مشتبہ افراد کی نقل وحرکت کے بعد فائرنگ کی۔معلوم ہوا ہے کہ علاقے میں بڑے پیمانے پر تلاشی آپریشن شروع کیا گیا۔اطلاعات کے مطابق ہفتے کی شام کو پونچھ کے بالا کوٹ سیکٹر میں فوج کی گشتی پارٹی نے سرحد کے نزدیک مشکوک افراد کی نقل وحرکت دیکھی جس کے بعد علاقے میں پانچ منٹ تک گولیاں چلنے کی آوازیں سنائی دیں۔دفاعی ذرائع نے بتایا کہ بالا کوٹ سیکٹر میں 19مدراس رجمنٹ سے وابستہ اہلکار معمول کے گشت پر تھے کہ اس دوران سرحد کے نزدیک مشکوک افراد کو دیکھا گیا۔اْن کے مطابق مشتبہ افراد کو للکارنے کی خاطر فوج نے فائرنگ کی۔ انہوں نے کہاکہ علاقے میں بڑے پیمانے پر تلاشی آپریشن شروع کردیا گیا۔اس سلسلے میںمزید تفصیلات کا انتظار ہے۔
