بھلے ہی سب کی توجہ نیپیئر میچ پر کیوں نہ مرکوز ہو ، لیکن تیسرے ٹی 20 میچ کے چوتھے امپائر گرتھ اسٹریٹ سرخیوں میں آگئے ہیں
نیوزی لینڈ اور انگلینڈ کے درمیان پانچ میچوں کی ٹی 20 سیریز کھیلی جارہی ہے ۔ سیریز میں میزبان نیوزی لینڈ کی ٹیم 2-1 سے سبقت حاصل کئے ہوئے ہے ۔ کرائسٹ چرچ میں سات وکٹوں کی جیت کے ساتھ اپنی مہم کا آغاز کرنے والی انگلش ٹیم کو گزشتہ دونوں میچوں میں شکست کا سامنا کرنا پڑا ۔ سیریز کے دوسرے میچ میں مورگن کی ٹیم کو 21 رن اور تیسرے میچ میں 14 رنوں سے شکست ملی ، لیکن اب انگلش ٹیم کی نظر نیپیئر میں کھیلے جانے والے چوتھے میچ پر مرکوز ہے ، جہاں سیریز میں جیت کی امیدوں کو برقرار رکھنے کا آخری موقع ہے ۔
تاہم بھلے ہی سب کی توجہ نیپیئر میچ پر کیوں نہ مرکوز ہو ، لیکن تیسرے ٹی 20 میچ کے چوتھے امپائر گرتھ اسٹریٹ سرخیوں میں آگئے ہیں ۔ دراصل ایک اخبار کے مطابق تیسرے ٹی 20 میچ کے آفیشیل چوتھے امپائر رہے گرتھ ایک پورن اسٹار رہ چکے ہیں ۔ دی سن کی خبر کے مطابق گرتھ پر الزام ہے کہ انہوں نے پورن میگزین کیلئے اسٹیو پارنیل کے نام سے فوٹو شوٹ کروایا تھا ۔ اس معاملہ پر گرتھ نے مرر سے بات چیت کرتے ہوئے کہا کہ وہ اپنے ماضی کے ایام کو لے کر کوئی تبصرہ نہیں کرنا چاہتے ہیں
