عوامی دربار میں اُٹھائے گئے مطالبات اور شکایات پر ترجیحی بنیادوں پر توجہ دی جائے گی:شالین کابرا
لازوال ڈیسک
اودھمپور؍؍ایڈیشنل چیف سیکرٹری جل شکتی شالین کابرا نے آج یہاں گورنمنٹ ہائیر سیکنڈری سکول پنچاری میں عوامی رسائی و شکایات اَزالے کیمپ کا اِنعقاد کیا۔کیمپ کا مقصد ضلع میں ترقیاتی منصوبوں کا جائزہ لیتے ہوئے عوامی مسائل اور مطالبات کو حل کرنا تھا۔کیمپ میں چیئر پرسن ڈِی ڈِی سی اودھمپور لال چند، ضلع ترقیاتی کمشنر سلونی رائے، ایس ایس پی جوگندر سنگھ، ایڈیشنل ڈِسٹرکٹ ڈیولپمنٹ کمشنر راجندر سنگھ، ڈِی ڈِی سی ممبر جسویر سنگھ، آئی اے ایس پروبیشنر سواتی شیمار، ڈِی ایف او نونیت سنگھ، اے سی آر ڈاکٹر امیش شان، اے سی ڈِی ڈاکٹر رنجیت سنگھ کوتوال، سی پی او محمد اِقبال اور دیگر سینئر افسران کے علاوہ سابق قانون ساز پون کمار گپتا اور پی آر آئی ممبران نے شرکت کی۔
پنچاری پہنچنے پر شالین کا برا کا عوام الناس اور سابق ممبران پی آر آئی نے والہانہ اِستقبال کیا۔ پروگرام میں مختلف علاقوں کی نمائندگی کرنے والی کمیونٹی کی جانب سے پرجوش شرکت دیکھنے میں آئی۔اِس موقعہ پرعوام الناس اور پی آر آئی ممبران نے متعدد مسائل اور مطالبات اُٹھائے جن میں پی ایچ سی پنچاری کو سی ایچ سی میں اَپ گریڈ کرنے ، کنٹھ گلی ۔گلیوٹ روڈ پر گڑھوں کو بھرنے ، پنچاری میں اے ٹی ایم کاؤنٹر کھولنے ، پی ایم اے وائی گھروں کے تحت محروم مستحقین ، سرکاری سکولوں اور صحت اِداروں میں عملے کی کمی کو دور کرنے ، ضلع میں جل جیون مشن کے کام میں تیزی لانے ، پنچاری کو سب ڈویژن کا درجہ دینے ، ایچ ایس گیلیوٹ ٹے کو ایچ ایس ایس میں اَپ گریڈ کرنا، اودھمپور پنچاری سے ساول کوٹ پاور پروجیکٹ کے لئے سڑک رابطہ کو یقینی بنانا، بدھوٹا میں ہیلتھ سب سینٹر کا قیام، سیاحتی نقشے پر اس علاقے کو فروغ دینا وغیرہ شامل ہیں۔
اُنہوں نے مختلف سڑکوں کی تعمیر اور دیکھ دیکھ، گلیوٹ، پنجر اور کٹیار سکولوں کو جی ایچ ایس ایس میں اَپ گریڈ کرنے، مونگری کے لئے تعلیم اور زراعت میں الگ الگ اِنتظامی بلاک قائم کرنے، بلاک کی سطح پر کولڈ سٹور قائم کرنے اور پنچاری میں پی ڈِی ڈِی اور پی ایچ اِی آفس کم شکایات ازالے سیل قائم کرنے کے لئے فنڈز کا بھی مطالبہ کیا۔شالین کابرا نے عوام کی طرف سے اُٹھائے گئے مسائل اور مطالبات کا جواب دیتے ہوئے یقین دِلایا کہ عوامی دربار میں اُٹھائے گئے مطالبات اور شکایات پر ترجیحی بنیادوں پر توجہ دی جائے گی۔ اُنہوں نے اِس بات کا اعادہ کیا کہ ڈی سی اور ایس ایس پی بہترین ممکنہ وسائل سے شکایات اَزالے کو یقینی بنائیں گے۔ اُنہوں نے شکایات کے جلد اور فوری ازالے کے لئے جے کے سمادھان پورٹل کے اِستعمال کی بھی حوصلہ اَفزائی کی۔ایڈیشنل چیف سیکرٹری نے جل جیون مشن سکیم کے بارے میں اہم پیش رفت کا ذکر کیا لیکن قدرتی ذرائع سے پانی کی دستیابی کے بڑے چیلنج پر روشنی ڈالی۔
اُنہوں نے ایگزنز کو ہدایت دی کہ وہ دسمبر 2024 ء تک جے جے ایم کی تمام سکیموں پر زیرِ اِلتوا ٔکام مکمل کریں۔ اُنہوں نے جے جے ایم سکیم کے لئے مناسب نگرانی کے نظام کی اہمیت پر زور دیا اور لوگوں سے کہا کہ وہ عمل درآمد میںکسی بھی قسم کی کوتاہیوں اور خامیوں کی اطلاع دیں۔شالین کابرانے واٹر سپلائی سکیموں پر عمل درآمد کی نگرانی اور کام کے معیار کو یقینی بنانے میں مقامی کمیونٹیوں اور پانی سمیتیوں کے کردار پر زور دیا۔ اُنہوں نے تمام شہریوں کے لئے بنیادی سہولیات اور خدمات تک رَسائی کو یقینی بنانے کے لئے حکومت کے عزم کا اعادہ کیا۔ایڈیشنل چیف سیکرٹری نے خطے کی قدرتی خوبصورتی اور سیاحتی امکانات پر تبصرہ کرتے ہوئے دیرپا ترقی کی ضرورت پر زور دیا۔ اُنہوں نے اس بات پر زور دیا کہ علاقے میں سیاحتی صلاحیت کو بروئے کار لانے کے لئے مناسب اَقدامات کئے جائیں گے۔اُنہوں نے مزید کہا کہ عوامی رسائی پروگرام ایسے مسائل کی نشاندہی اور ان کو حل کرنے میں مدد کرتا ہے جن میں اعلیٰ سطح پر مداخلت کی ضرورت ہوتی ہے۔
اُنہوں نے ایسے پہلوؤں کو اُجاگر کرنے پر مقررین کا شکریہ اَدا کیا۔ اُنہوں نے عوام بالخصوص نوجوانوں پر زور دیا کہ وہ سرکاری سکیموں سے فائدہ اٹھائیں۔بعد ازاں شالین کابرا نے عوام تک فلاحی اور سرکاری اسکیموں کے بارے میں معلومات پہنچانے کے لیے مختلف محکموں کی جانب سے لگائے گئے اسٹالز کا معائنہ کیا۔ انہوں نے عملے اور اسکیم سے فائدہ اٹھانے والوں کے ساتھ بات چیت کی اور زمین پر اسکیم کے نفاذ کا ایک جامع جائزہ لیا۔ انہوں نے مختلف سرکاری اسکیموں سے فائدہ اٹھانے والوں سے رائے بھی طلب کی۔بعد میں شالین کابرانے عوام تک فلاحی اور سرکاری سکیموں کے بارے میں معلومات پہنچانے کے لئے مختلف محکموں کی جانب سے لگائے گئے سٹالوں کا معائینہ کیا۔ قبل ازیں ڈی سی ادھم پور نے انہیں ڈڈو میں گزشتہ عوامی دربار میں اٹھائے گئے مسائل کی پیش رفت سے آگاہ کیا۔ مختلف اسکیموں کی پیشرفت پر روشنی ڈالتے ہوئے ایک کارروائی کی رپورٹ پیش کی گئی۔اِس سے قبل ضلع ترقیاتی کمشنر اودھمپور نے اُنہیں ڈوڈو میں گزشتہ عوامی دربار میں اُٹھائے گئے مسائل کی پیش رفت سے آگاہ کیا۔ مختلف سکیموں کی پیش رفت پر روشنی ڈالتے ہوئے ایکشن ٹیکن رِپورٹ پیش کی گئی۔
