راوندر رینا 120ریلیوں میںکریں گے خطاب
لازوال ڈیسک
جموں پارلیمانی انتخابات میں جیت یقینی بنانے کیلئے بھاجپا ریاستی صدر راوندر رینا اور دیگر لیڈران بڑی ریلیوں سے اظہار خیال کریں گے ۔دیگران لیڈران کے ہمراہ بھاجپا ریاستی صدر پارٹی امیدواروں کے حق میں 120 ریلیوں سے اظہار خیال کریں گے۔علاوہ ازیں وزیر اعظم نرندر مودی، بھاجپا ریاستی صدر امت شاہ، مرکزی وزیر داخلہ راجناتھ سنگھ ، وزیر دفاع نرملا سیتہا رمن اور دیگر لیڈران بھی ان ریلیوں میں جیت کو یقینی بنانے کیلئے اظہار خیال کریں گے تاکہ جموںخطے کی دونوں نشستوں پر کامیابی حاصل کی جائے ۔اس دوران رینا سانبہ، وجے پور، نگروٹہ، گاندھی نگر، جموں مشرق، جموں مغرب، آر ایس پورہ، سوچیت گڑھ، مڑھ ، رائے پور، دومانہ، اکھنور، چھمب، نوشہرہ، درہال، راجوری، کالاکوٹ، سرنکوٹ، پونچھ اور مینڈھر میں عوامی ریلیوں سے بات کریں گے۔
