سوگوار کنبوں سے دلی ہمدردی کا اظہار کیا، مرحومین کے ابدی سکون اور زخمی نوجوان کی صحت یابی کے لئے دْعا کی
لازوال ڈیسک
سرینگر؍؍ اپنی پارٹی کے سربراہ سید محمد الطاف بخاری نے ٹینگہ پورہ سرینگر میں جمعرات کو رونما ہوئے خوفناک سڑک حادثے میں دو نوجوانوں کی موت پر اپنے گہرے دْکھ اور افسوس کا اظہار کیا ہے
۔اپنے ایک بیان میں انہوں نے کہا، ’’اس طرح کے سانحات پر اظہارِ افسوس کرنے کے لئے الفاظ کم پڑتے ہیں۔ بدقسمتی سے، لاپرواہی سے ڈرائیونگ اکثر تباہ کن نتائج کا باعث بنتی ہے اور پھر ایسے سانحات کی وجہ سے متاثرہ کنبوں بالخصوص جاں بحق ہوجانے والوں کے والدین کو عمر پر دْکھ اور افسوس جھیلنا پڑتا ہے۔ میں اللہ تعالیٰ سے دست بہ دْعا ہوں کہ جاں بحق ہوئے دونوں نوجوانوں کو جوار رحمت میں جگہ دے اور زخمی نوجوان کو شفا عطا فرمائے۔ اللہ سوگوار کْنبے کو یہ صدمہ برداشت کرنے کیلئے ہمت اور حوصلہ عطا فرمائے۔‘‘
