واشنگٹن ؍؍امریکہ میں وائٹ ہاؤس کے وکیل پیٹ کیپولون نے امریکی کانگریس ( اراکین پارلیمان ) کی عدالتی کمیٹی کے چیئرمین جیرو لڈنیڈ لرکو ایک خط لکھا ہے جس میں انہوں نے کہا ہے کہ صدر ڈونلڈ ٹرمپ کے خلاف مواخذے کے عمل ختم ہونا چاہئے کیونکہ یہ پوری طرح بے بنیاد اور طے شدہ ضابطوں کے خلاف ہے ۔مسٹر کیپولون نے جمعہ کو مسٹر نڈلر کو تحریر کئے گئے خط میں کہا‘‘جیسا کہ آپ جانتے ہیں کہ آپ کی مواخذے کی تحقیقات پوری طرح بے بنیاد ہے ۔ اس وجہ سے آپ کو اس تحقیقات کو اب ختم کر دینا چاہئے اور اضافی تحقیقات کرکے وقت کی بربادی نہیں کرنی چاہئے ’’ ۔انہوں نے کہا‘‘مسٹر ٹرمپ کے خلاف تحریک مواخذے شروع کر کے ایوان کے ڈیموکریٹس نے اقتدار کا غلط استعمال کیا اور ہمارے ملک کی تاریخ میں مواخذے کی انتہائی جانبدار اور غیر آئینی کوشش ہو گی ’’۔ واضح رہے کہ امریکی کانگریس کے ایوان نمائندگان کی اسپیکر نینسی پیلوسي نے ایوان کی عدالتی کمیٹی کے چیئرمین نیڈلر کو مسٹر ٹرمپ کے خلاف مواخذے کے عمل کو شروع کرنے کی اجازت دے دی ہے ۔
