کراکس، 31 جولائی (یو این آئی) وینزویلا میں صدارتی انتخابات کے بعد پرتشدد مظاہروں میں حصہ لینے پر 749 افراد کو گرفتار کیا گیا ہے۔
اٹارنی جنرل طارق ولیم صاب نے منگل کو یہ معلومات دی۔ انہوں نے ایک نیوز کانفرنس کو بتایا کہ گرفتار کیے گئے افراد پر ‘اُکسانے، عوامی سڑکوں میں رکاوٹیں ڈالنے، نفرت انگیز جرائم… گرفتاری کے خلاف مزاحمت اور سب سے سنگین معاملہ، دہشت گردی’ کے الزامات عائد کیے گئے ہیں۔ انہوں نے کہا کہ تشدد میں 48 فوجی اور پولیس اہلکار زخمی ہوئے، جن میں سے کچھ کو گولی لگی۔ اس کے ساتھ ہی شمالی ریاست اراگوا میں ایک فوجی افسر کی موت ہو گئی ہے۔ حکام نے بتایا کہ دوردراز کے گروہ وینزویلا کے مختلف شہروں میں فسادات کو ہوا دینے کے لیے نابالغوں اور لوگوں کو منشیات کے ذریعہ استعمال کر رہے ہیں۔
انہوں نے کہا کہ فسادات احتجاج نہیں بلکہ ‘مسلح مجرموں’ کا کام تھا جو انتشار پھیلانا چاہتے تھے۔ وہ چاہتے ہیں… یہ قومی سطح تک بڑھے… اس لیے غیر ملکی مداخلت ہے۔
قابل ذکر ہے کہ وینزویلا میں اتوار کو صدارتی انتخابات ہوئے تھے اور نیشنل الیکٹورل کونسل نے پیر کو صدر نکولس مادورو کو انتخابات کا فاتح قرار دیا تھا۔
