پورے ملک میں حکومت کی فلیگ شپ اسکیموں کے بارے میں عام لوگوں کو آگاہ کرنے اور انہیں بااختیار بنانے کیلئے شروع کی گئی گئی سنکلپ یاترا کی شر وعات با ضابطہ طور پروزیر اعظم نے بذات خود 15نومبر کو جھار کھنڈ کے کھنوٹی سے بنام وکست بھارت سنکلپ یاترا کے طور پر کی تھی ۔ جبکہ اس کے تحت ملک بھر میں ان ریاستوں یا یوٹیز کو چھور کر جہاں انتخابات کروائے جا رہے ہیں پورے ملک میں سنکلپ یاترا کے تحت فوری خدمات کی سہولت کیلئے محکمہ ڈاک ، محکمہ صحت اور دیگر محکموں کے ذریعے مختلف کیمپ لگائے جا رہے ہیں ۔ وہیںشہریوں کو حکومت کی فلیگ شپ اسکیموں کے بارے میں آگاہ کرنے اور انہیں بااختیار بنانے کیلئے شروع کی گئی گئی اس یاترا کا مقصد عوای بیداری پیدا کرنا اور فلاحی پروگراموں کے فوائد براہ راست لوگوں تک پہنچانا ہے۔ ا س سلسلہ میں جن جاتیہ گورو دیوس‘‘ کے موقع پر وزیر اعظم نے سرکاری اسکیموں کے پیغامات لے جانے والی خصوصی طور پر ڈیزائن کردہ آئی ای سی وین کو بھی جھنڈی دکھا ئی تھی۔ جو وین ملک بھر کی پنچائتوں کا دورہ کرے گی ، مختلف مقامات پر رکے گی اور عام لوگوں کو مرکزی حکومت کی اسکیموں کے بارے میں بیدار کرے گی ۔ تاہم واقعہ ہی حکومت کی جانب سے شروع کردہ اس اقدام کی جتنی تعریف کی جائے کم ہے ۔ کیونکہ آج عام لوگوں کی فلاح و بہبود کیلئے شروع کی گئی ، سینکڑوں اسکیمیں ایسی ہیں جن کی عام لوگوں کوخبر تک نہیں ، حالانکہ کے زمینی سطح پر ان کا نفاذ اور با قاعدگی کے ساتھ عمل در آمدگی کے بڑے بڑے دعوے کئے جا رہے ہیں ۔ لیکن حقیقت اس کے بر عکس ہے ۔ اس میں بھی کوئی شک نہیں ان اسکیموں کو عام لوگوں تک پہنچانے والے وہ محکمہ جات اپنا کام کر رہے ہیں ۔ مگر سچ یہ ہے کہ اتنا نا کافی ہے ، جس طرح ایک اسکیم سے عام آدمی اور مستحق لوگوں کو فائدہ پہنچنا چاہئے وہ نہیں پہنچ پا رہا ہے ۔ جس کی بڑی وجہ لوگوں میں ان اسکیموں کے تائیں بیداری نہیں ہے ۔ اور کئی جگہ پر عام لوگوں میں اسکیموں کو لیکر غلط فہمیاں بھی پائی جا رہی ہیں تاہم ان سارے مسائل کے حل کیلئے وکست بھارت سنکلپ یاترا ایک بہترین پہل ثابت ہو سکتی ہے۔ مگر یہاں سوال یہ پیدا ہوتا ہے کہ جس طریقے سے سنکلپ یاترا کی شر وعات کی گئی اگر اسی طرح ڈیجٹیل وین کے ذریعے سرکاری اسکیمیوں کا یہ پیغامات عام لوگوںتک پہنچایا جائے جائے، تو یقینا اس سے بڑی حد تک عوام میں بیداری لا کر مرکزی فلیگ شپ اسکیموں سے لوگوں کو نا صرف جوڑا جا سکتا ہے بلکہ لوگ بڑی حد تک فائدہ بھی حاصل کر سکتے ہیں ۔
