گاؤرکشکوں کی غنڈہ گردی اور بزرگ شخص پر قاتلانہ حملہ ناقابل برداشت
حکومت نے غنڈوں کو کھلم کھلا چھوٹ دے رکھی ہے:گفتار چوھدری
قیوم نظامی
کوٹرنکہ؍؍کوٹرنکہ خواص میں بزرگ شہری لعل حسین پر قاتلانہ حملہ کی یوتھ لیڈرچوہدری گفتار احمد نے سخت الفاظ میں مذمت کی اور مخلوط سرکار پر الزام عائد کیا ۔گفتار احمد نے پریس بیان میں کہا کہ اس طرح کی غنڈہ گردی اور دہشت گردی سے آئے دن انسانی جانوں پر ظلم کرنا اور ایک انسان کو پیٹ پیٹ کر لہولہان کردینا موجودہ حکومت کی شرم ساری ہے ۔انہوںنے کہا کہ جولوگ گاؤرکشک کا ڈنڈھورا پیٹتے ہیں ان سے کہیں زیادہ مسلم طبقہ کے لوگ اپنے مال مویشیوں کی قدر کرتے ہیں اگر چہ خود بھوکے پیاسے سوجائیں گے لیکن کبھی بھی اپنی مویشی کو بھوکھے نہیں رہنے دیتے ۔جن لوگوں کو آج گاؤرکشک کے بہانے نشانہ بنایا جارہاہے وہ دن بھر خالی پیٹ اپنے میوشیوں کے ساتھ ایک سنتری کی طرح کھڑے ہوکر ڈیوٹی دیتے ہیں اور جولوگ غنڈہ گردی کرنے پر تلے ہوئے وہ کبھی جانوروں کو چارہ ڈال کے بھی راضی نہیں ہیں۔ لاوارث اپنے گائے بیل کو جنگل میں تنہا چھوڑدیتے ہیں ۔انہوں نے سرکار سے مطالبہ کیا ہے کہ جلد از جلد ان فرقہ پرست غنڈوں کو سلاخوں کے پیچھے ڈالے ورنہ ہمارے اندر بھی خون ہے ہم نے کوئی چوڑیاں نہیں پہن رکھیں۔
