لازوال ڈیسک
جموں؍؍وجے کمار گپتا کو اپر گمٹ بازار، جموں کی ٹریڈرس ایسوسی ایشن کا صدر منتخب کیا گیا ہے۔ اس بات کی اطلاع منگل کو یہاں ایسوسی ایشن کے تمام ممبران کی میٹنگ میں دی گئی۔اراکین نے کہا کہ وجے کمار گپتا ایک بہت ہی ہنر مند، سماجی اور تجربہ کار شخص ہیں اور وہ ایسوسی ایشن کے صدر کا چارج لینے کے مستحق ہیں۔وجے کمار گپتا طویل عرصے سے اس کاروبار سے منسلک ہیں اور ان کے تجربے کو دیکھتے ہوئے انہیں یہ عہدہ دیا گیا ہے۔اس ذمہ داری کے لیے انجمن کے اراکین کا شکریہ ادا کرتے ہوئے وجے کمار نے کہا کہ وہ پارٹی کی طرف سے جو ذمہ داری سونپی گئی ہے اسے پوری دیانتداری کے ساتھ نبھانے کی کوشش کریں گے۔ایگزیکٹو ممبران میں سنجے گپتا، راہول گپتا، کیتن گپتا، پون گپتا، راگھو گپتا، وکاس گپتا، نوی گپتا اور رجت باموترا موجود تھے۔
