نیدرلینڈ کی خواتین ٹیم نے ایف آئی ایچ ہاکی 5s خواتین ورلڈ کپ 2024 کے فائنل میں ہندوستانی خواتین ٹیم کو شکست دے کر چیمپئن شپ جیت لی ہے۔
ہفتہ کو یہاں کھیلے گئے فائنل میچ میں ہندوستانی خواتین ہاکی ٹیم کو نیدرلینڈ کے ہاتھوں 2-7 سے شکست کا سامنا کرنا پڑا۔
میچ کے آغاز میں ہالینڈ کے جینیک وان ڈی وین نے لمبا شاٹ لگا کر اپنی ٹیم کو برتری دلائی اور اس کے کچھ ہی دیر بعد بینٹے وان ڈیر ویلٹ نے ایک اور گول کر کے ہالینڈ کی برتری کو دگنا کر دیا۔ ہالینڈ کے کھلاڑیوں کے چار گولوں کی بدولت پہلے ہاف میں اسکور 6-0 رہا۔
نیدرلینڈز کی جانب سے جینیک وان ڈی وین نے دوسرے اور 14ویں منٹ میں، بینٹے وان ڈیر ویلٹ نے چوتھے اور آٹھویں منٹ میں، لانا کالسے نے 11ویں، 27ویں اور سوشا بیننگا نے 13ویں منٹ میں گول کئے۔
دوسرے ہاف میں جیوتی چھتری نے گول کر کے ہندوستان کا کھاتہ کھولا۔ اس کے بعد رتوجا داداسو پسال نے 23ویں منٹ میں گول کرکے اسکور 6-2 کردیا۔
ہندوستان کی جانب سے جیوتی چھتری نے 20ویں منٹ میں اور رتوجا داداسو پسال نے 23ویں منٹ میں گول کیا۔ نیدرلینڈ کی لانا کالسے نے 27ویں منٹ میں ایک اور گول کر کے میچ 7-2 سے برابر کر دیا۔
