لازوال ڈیسک
ممبئی؍؍ نیتا ایم امبانی نے چین کے ہانگزو میں منعقد ہو رہے ایشیائی کھیلوں میں طلائی تمغہ جیتنے پر ہندوستانی خواتین کرکٹ ٹیم کو مبارکباد دی ہے۔ بھارتی ٹیم نے سری لنکا کو 19 رنز سے شکست دے کر کامیابی حاصل کی۔ محترمہ نیتا ایم امبانی نے کہا، ایشیائی کھیلوں میں طلائی تمغہ جیتنے پر ٹیم انڈیا کو مبارکباد! قوم کو آپ کی تاریخی فتح پر فخر ہے اور یہ آنے والی نسلوں کو متاثر کرے گی۔ ہماری خواتین کی ٹیم نے ایک بار پھر دکھایا ہے کہ صحیح ذہنیت، حمایت، یقین اور اجتماعی جذبے کے ساتھ وہ ناقابل تسخیر ہیں!ہندوستان میں خواتین کی کرکٹ کے لیے یہ ایک قابل ذکر سال رہا ہے، جس کا آغاز ٹی 20 ورلڈ کپ میں ٹیم کی شاندار کارکردگی سے ہوا۔ اس کے بعد ٹیم نے تاریخی ڈبلیو پی ایل اور اب ایشین گیمز میں بھی شاندار کارکردگی دکھائی۔ایشین گیمز میں ہرمن پریت کور ٹیم کی قیادت کر رہی ہیں۔ جنہوں نے ویمنز پریمیئر لیگ میں ممبئی انڈینز کی کپتانی بھی کی۔ ممبئی انڈینز کو اس سال ویمنز پریمیئر لیگ کی چیمپئن کا تاج پہنایا گیا۔
