ڈاکٹر شمس کمال انجم
صدر شعبۂ عربی/ اردو/ اسلامک اسٹڈیز ، بابا غلام شاہ بادشاہ یونیورسٹی راجوری
9086180380
حبیبِ کبریا جانِ حرم ہیں جان امت ہیں
وہ روحِ زندگی ہیں اور وجہ خیر وبرکت ہیں
وہ بن کر رحمۃٌ للعالمیں آئے ہیں دنیا میں
وہ عفو و در گذر کی شان ہیں وہ جانِ رحمت ہیں
انھی کی ذات سے سب کو ملا سرّ طمانینت
محمد مصطفی وجہِ سکوں وجہِ سعادت ہیں
اطاعت فرض ہے ان کی ہر اک حالت میں امت پر
کہ وہ تو مرجع اسلام ہیں قرآن و سنت ہیں
محبت اور ہمدردی اخوت اور صلہ رحمی
انھی کے دم سے زندہ ہیں وہی اس کی علامت ہیں
ہمیں جو نسبتِ خیر الوری حاصل ہوئی ہے شمسؔ
اسی نسبت کے صدقے آج ہم سب خیرِ امت ہیں
