کانگریس نے مودی کا مزاج بدل دیا،2024 تک انتخابی سیاست مکمل طور پر بدل چکی تھی: راہل
کہاتعلیمی نظام پر آر ایس ایس کا قبضہ ہے، میڈیا پر قبضہ ہے اور تحقیقاتی ایجنسیوں پر قبضہ ہے
لازوال ڈیسک
واشنگٹن؍؍کانگریس کے سابق صدر اور ایوان زیریں میں اپوزیشن لیڈر راہل گاندھی نے کہا ہے کہ 2014 کے مقابلہ میں 2024 کے عام انتخابات تک کی سیاست پوری طرح سے بدل چکی تھی اور خود وزیر اعظم نریندر مودی کواس کا احساس ہو گیا تھا کہ ان کا 400 سے تجاوز کرنے کا نعرہ ہدف تک نہیں پہنچ رہا اور اس کی بنیاد ہی تباہ ہو چکی ہے۔راہل گاندھی نے کہا ہے کہ وہ وزیر اعظم نریندر مودی سے نفرت نہیں کرتے بلکہ ان کے ساتھ نظریاتی لڑائی ہے اور وہ یہ لڑائی لڑتے رہیں گے ۔اُنہوں نے مزیدکہاکہ وزیر اعظم نریندر مودی پر حملہ کرتے ہوئے کہا ہے کہ جس جارحانہ انداز سے وہ پہلے کانگریس پر حملہ کرتے تھے، کانگریس نے ان کی سوچ پر قدغن لگا دی ہے اور اس کی وجہ سے مسٹر مودی اب خود پارلیمنٹ کے اندر اور باہر پھنس جاتے ہیں۔
یہاں جارج ٹاؤن یونیورسٹی میں اسٹوڈنٹس سے خطاب کرتے ہوئے مسٹر گاندھی نے کہا کہ سیاست میں نشیب و فراز آتے رہتے ہیں۔ مسٹر مودی جس سیاست کے ذریعے 2014 میں اقتدار میں آئے تھے وہ 2024 تک پوری طرح بدل چکی تھی اور مسٹر مودی کی قیادت والے اتحاد کے لیے منصفانہ انتخابات میں 240 سیٹیں بھی جیتنا مشکل ہو سکتا تھا۔
انہوں نے کہا کہ’’ سیاست میں نشیب و فراز آتے رہتے ہیں یہ ایک مقابلہ ہے اور یہ اس کا ایک حصہ ہے۔ مجھے لگتا ہے کہ جس طرح سے میں اسے دیکھ رہا ہوں، اس نے ہمیں اور انڈیا اتحاد کو یہ سوچ دی ہے کہ ہم کس طرح آگے بڑھیں۔ آج کے ہندوستان میں سیاست بنیادی طور پر بدل چکی ہے۔ ہمارے پاس طویل نقطہ نظر پر مبنی سیاسی توجہ ہے۔ ہماری سیاست وزیر اعظم نریندر مودی کے نقطہ نظر سے متفق نہیں ہے، ہماری لڑائی ان کی سوچ سے ہے اور ہم اس سے لڑتے ہیں۔ ہم ایک نئے ویژن کی بنیاد رکھنے کی کوشش کر رہے ہیں۔ کانگریس پارٹی نے بھی وقتاً فوقتاً ایسا کیا ہے‘‘۔
https://inc.in/
مسٹر گاندھی نے کہا’’یہ بھی سمجھنے کی ضرورت ہے کہ جو قووتیں مسٹر مودی کو 2014 میں اقتدار میں لائی تھیںوہ اب فرسودہ ہو چکی ہیں۔ بہت سی چیزیں اکٹھی ہو گئیں۔ انتخابات سے پہلے ہم اس بات پر زور دے رہے تھے کہ اداروں پر قبضہ کیا جا رہا ہے، تعلیمی نظام پر آر ایس ایس کا قبضہ ہے، میڈیا پر قبضہ ہے اور تحقیقاتی ایجنسیوں پر قبضہ ہے۔ تاہم، لوگ اسے نہیں سمجھ رہے تھے اور ہم اس وجہ کو سمجھنے کے قابل نہیں تھے‘‘۔
ذات پات کے نظام سے متعلق سیاست پر انہوں نے کہا’’میں سمجھتا ہوں کہ جدید ہندوستان ایک طویل عرصے سے آئین کے حق میں یا اس کے خلاف جدوجہد میں مصروف ہے۔ یہ واقعی اس کا بنیادی مقصد ہے – یہ خیال کہ تمام ہندوستانیوں کو مساوی ہونا چاہئے اور ذاتوں کے درجہ بندی کے خلاف یکساں سلوک کیاجانا چاہئے۔ یہ ایک جدوجہد ہے، اور یہ کوئی نئی بات نہیں ہے۔یہ ایک فلسفیانہ لڑائی ہے اور اس کا اپنا سیاسی ڈھانچہ ہے‘‘۔
انہوں نے کہا’’ایک میٹنگ میں، ہمارے ساتھ کام کرنے والے کسی نے کہا، ‘آئین کو برقرار رکھنے کی کوشش کریں۔ ہم نے آئین کو پکڑنا شروع کیا اور جو کچھ ہم کہہ رہے تھے وہ سیاسی طور پر دھماکہ خیز ہو گیا۔ اس الیکشن میں ہندوستان کو احساس ہوا کہ اسے اتنی بے دردی سے تقسیم نہیں ہونا چاہیے اور غریب، محروم اور مظلوم ہندوستان نے بھی سمجھ لیا کہ اگر آئین کے ساتھ سمجھوتہ کیا جائے تو پورا نظام درہم برہم ہو جاتا ہے۔ یہ ایک چونکا دینے والا احساس تھا جس کا میں نے مشاہدہ کیا۔ غریب لوگوں نے گہرائی سے سمجھا کہ اب یہ آئین کی حفاظت کرنے والوں اور اسے تباہ کرنے والوں کے درمیان لڑائی ہے‘‘۔
انہوں نے کہا’’ مجھے نہیں لگتا تھا کہ بی جے پی منصفانہ انتخابات میں 240 سیٹوں کے قریب بھی پہنچے گی۔ میں حیران رہ گیا۔ انہوں نے بہت زیادہ مالی فائدہ اٹھایا اور ہمارے بینک اکاؤنٹس بند کر دئیے۔ الیکشن کمیشن وہی کررہاتھا جو وہ چاہتیتھے۔ پوری مہم کو اس طرح ترتیب دیا گیا تھا کہ مسٹر مودی مختلف ریاستوں کے لیے مختلف ڈیزائن کے ساتھ ملک بھر میں اپنا ایجنڈا چلا سکیں۔ میں اسے آزاد الیکشن کے طور پر نہیں دیکھتا۔میں اسے انتہائی کنٹرول شدہ الیکشن کے طور پر دیکھتا ہوں۔‘‘
کانگریس لیڈر نے کہا’’انتخابی مہم کے دوران میں نے محسوس کیا کہ مسٹر مودی نے نہیں سوچا تھا کہ وہ 400 کے قریب سیٹیں حاصل کر لیں گے۔ ابتدائی طور پر انہیں احساس ہوا کہ چیزیں غلط ہو رہی ہیں اور ہم معمول کے ذرائع سے معلومات حاصل کر رہے ہیں۔ کچھ خفیہ ایجنسیاں بھی ہمیں معلومات فراہم کر رہی تھیں۔ یہ بالکل واضح تھا کہ وہ مشکل میں ہیں اور وزیر اعظم کے اندر یہ اندرونی کشمکش چل رہی ہے جسے میں دیکھ سکتا ہوں۔ نفسیاتی طور پر، یہ ایسا ہی تھا-’یہ کیسے ہو رہا ہے‘۔‘‘
انہوں نے کہا’’ہندوستان میں کیا ہوا ہے، آپ دیکھیں گے کہ مودی کو اقتدار میں لانے والا اتحاد ٹوٹ گیا ہے اور یہ ٹھیک درمیان سے ٹوٹ گیا ہے۔ یہ بنیادی سوچ کہ مسٹر مودی ہندوستان کے لوگوں کے لیے حکومت چلا رہے ہیں ختم ہو چکاہے‘‘۔
مسٹر گاندھی نے کہا کہ ہندوستان میں کانگریس کے پاس بے پناہ صلاحیت ہے اور اس میں خود کو تبدیل کرنے کی طاقت ہے جسے وہ دوسری سیاسی جماعتوں سے زیادہ محسوس کرتے ہیں۔انہوں نے کہا’’اگر آپ کانگریس پارٹی کو دیکھیں اور دیگر سیاسی جماعتوں سے اس کا موازنہ کریں تو اس میں خود کو نئے سرے سے ڈھالنے کی صلاحیت ہے۔ اس میں ایک ایسا عنصر ہے جو بابائے قوم مہاتما گاندھی کے وقت سے موجود ہے اور جیسا کہ ایک سیاسی تنظیم اس میں بہت سی خوبیاں ہیں جو بہت طاقتور ہیں۔
کانگریس لیڈر نے کہا کہ انہیں 2024 کے انتخابات کے دوران بھی ہراساں کیا گیا تھا۔ انہوں نے کہا کہ انتخابات کے دوران ایک وقت ایسا آیا جب میں پارٹی کے خزانچی سے بات کر رہا تھا اور کہا کہ دیکھیں آپ کے بینک اکاؤنٹس منجمد ہو گئے ہیں، اگر آپ کے بینک اکاؤنٹس منجمد ہو گئے ہیں تو آپ الیکشن کیسے لڑیں گے۔ اس کے باوجود کانگریس پارٹی نے الیکشن لڑا اور مودی کی سوچ اور نظریہ کو شکست دی۔
ایوان زیریں میں اپوزیشن لیڈر نے کہا’’کانگریس نے اس الیکشن میں مودی کی سوچ اور نظریہ کو بنیادی طور پر ہرادیا ہے۔ مسٹر مودی اب پارلیمنٹ میں بھی نفسیاتی طور پر پھنس گئے ہیں۔ وہ پارلیمنٹ کے باہر خود کو بھگوان کہنا شروع کر دیتے ہیں۔ اس صورتحال میں مجھے کانگریس کی وجہ سے کھڑا ہونا پڑا۔انہوں نے کہا’’جب آپ وزیر اعظم کو اب پارلیمنٹ میں دیکھتے ہیں، تو وہ نفسیاتی طور پر پھنسے ہوئے نظر آتے ہیں۔ وہ سمجھوتہ نہیں کر سکتے اور اب یہ سمجھنے کے قابل نہیں ہیں کہ یہ کیسے ہوا، یہ میرے لئے اور کانگریس پارٹی کے لئے، یہ صورتحال حیران کن ہے۔ کانگریس صرف ایک سیاسی جماعت نہیں ہے بلکہ سیاسی نظریات کا ایک مجموعہ ہے، پیچھے مڑ کر دیکھیں تو اس کے زندہ رہنے کی ایک وجہ پارٹی کا بنیادی اسٹرکچر ہے۔ کانگریس کے نظریات ، اس کے فلسفہ ، اس کے اقدار کا نظام اس کی بقا کی ایک وجہ پارٹی کا بنیادی ڈھانچہ، اس کا فلسفہ، اس کی تنظیم ہے۔وہ 100 فیصد اوور لیپ نہیں ہوتے ، لیکن جب وہ قریب آتے ہیں تو بہت طاقتور ہو جاتے ہیں۔‘‘مسٹر گاندھی نے کہا کہ وزیر اعظم کے ساتھ ان کی نظریاتی اور سیاسی لڑائی ہے اور وہ یہ لڑائی مسلسل لڑ رہے ہیں۔
