میونسپل کونسلر کے ساتھ ساتھ عام شہریوں نے بھی صدر محمد عارف کے کام کی سراہناکی
شیراز چوہدری
راجوری؍؍میونسپل کونسل راجوری میں صدر محمد عارف کی قیادت میں کونسلر پشپندر گپتا کونسلر افتخار علی ڈار، کونسلر سدریشن شرما، کونسلر رابعہ قریشی، کونسلر سنجے شرما، کونسلر یوگیش شرما، کونسلر ممتا دت، سی ای او محمد کی موجودگی میں ڈی ڈی او محمد قاسم اور دیگر معزز مہمانوں نے 5 کروڑ روپے کی لاگت سے ایک اچھی طرح سے ڈیزائن کردہ دفتر اور شاپنگ کمپلیکس کا افتتاح کیا ۔ اس موقع پر راجوری کی مختلف مذہبی تنظیموں کے سربراہان بشمول تاجران ٹرانسپورٹ یونین کے صدر نے نئے ڈیزائن کردہ دفتری کمپلیکس کی تکمیل پر میونسپل کونسل راجوری کا پرتپاک خیرمقدم اور نیک خواہشات پیش کیں اس موقعہ پر میونسپل کونسل راجوری کے صدر محمد عارف نے میڈیا کے نمائندوں سے بات چیت کرتے ہوئے کہا کہ تعمیراتی مدت کے دوران میونسپل آفس کو راجوری پرانے شہر سے سیلانی علاقہ میں منتقل کیا گیا تھا تاکہ عام لوگوں کے مفاد میں اور دفتر کے کام کو بہتر طریقے سے چلایا جا سکے تاکہ زائرین کو کسی قسم کی پریشانی کا سامنا نہ کرنا پڑے اور میونسپل کونسل راجوری کے عہدیداروں نے دفتر کے کام کاج کو یقینی بنانے کے لئے تمام ممکنہ اقدامات فراہم کئے ۔انہوں نے کہا کہ کچھ لوگوں نے دفاتر کی عارضی تبادلہ کا معاملہ اٹھایا ہے اور دفاتر کی منتقلی پر سیاست کرنے کی کوشش کی تھی ۔انہوں نے راجوری شہر کے لوگوں کو مزید مبارکباد پیش کرتے ہوئے کہا کہ یہ سب کچھ راجوری شہر کے لوگوں کے بھرپور تعاون اور آشیرواد کی وجہ سے ممکن ہوا ہے اور کہا کہ پروجیکٹ کا کام صرف دو سال کی مدت میں مکمل ہوا ہے ۔انہوں نے کہا کہ یہ دفتر اور شاپنگ کمپلیکس کی عمارت راجوری ٹاؤن کے عام لوگوں کو پریشانی سے پاک ماحول میں تمام فوائد فراہم کرے گی ۔اس موقع پر میونسپل کونسل راجوری کے کونسلروں نے محمد عارف کی ۔ قیادت میں میونسپل کونسل راجوری کے اپنے گزشتہ پانچ سالہ دور اقتدار میں کئے گئے میگا ترقیاتی کاموں کی ستائش کی جس میں کئی طرح کے مختلف پروجیکٹوں کو مقررہ مدت میں مکمل کیا گیا ۔اس موقع پر موجود دیگر افراد میں بی جے پی کے سینئر لیڈر کپل سریال اعظم چودھری، نصیر احمد، سلطان انجم مرزا، انیل گپتا، امجد خان، محمد شکور، باؤ رام شرما، شکیل احمد مرزا کے ساتھ ساتھ آج کے اہم ترین میونسپل کونسل پراجیکٹ کی افتتاحی تقریب میں الیاس حسین شاہ، شیخ محمد شکیل اور دیگر بھی موجود رہے۔
