تقریب میںمٹی جمع کرنے اور بہادر دلوں کو خراج تحسین پیش کیا گیا
لازوال ڈیسک
پونچھ//میری مٹی میرا دیش مہم کے دوسرے مرحلے کا آج یہاں بلاک پونچھ میں انعقاد کیا گیا۔وہیںیہ پروگرام آر ڈی ڈی نے نہرو یووا کیندر اور این زیڈ سی سی پی کے اشتراک سے منعقد کیا تھا۔ ملک بھر میں امرت کالاش یاترا کی منصوبہ بندی کے ساتھ مہم دوسرے مرحلے میں داخل ہوئی۔وہیں پین انڈیا آؤٹ ریچ مہم کے طور پر، اس کا مقصد ملک کے ہر گھر تک پہنچنا ہے۔ دیہی علاقوں کے 6 لاکھ سے زیادہ دیہاتوں اور پورے ہندوستان کے شہری علاقوں کے وارڈوں سے مٹی اور چاول کا اناج اکٹھا کیا جا رہا ہے۔ دیہی علاقوں میں، اسے بلاک سطح پر ملا کر بلاک سطح کی کالش بنائی جائے گی۔اس تقریب میں چیئرپرسن بی ڈی سی پونچھ جمیل کوہلی، ڈی ڈی سی ممبر پونچھ عبدالغنی کی موجودگی میں مٹی جمع کرنے اور بہادر دلوں کو خراج تحسین پیش کرنے کا مشاہدہ کیا گیا۔وہیںبی ڈی او پونچھ ایاز بٹ، پائٹ کھڈی کے سرپنچ اور دیگر سرکردہ شہری، اسکول کے اساتذہ اور طلبہ ایچ ایس کھادی شامل رہے۔یہ بتانا ضروری ہے کہ 28 سے 30 اکتوبر 2023 تک تمام ریاستوں کے روایتی لباس میں رضاکار امرت کالاش کے ساتھ کارتویہ پتھ نئی دہلی پر مارچ کریں گے۔ قوم کے تمام دیہاتوں اور بلاکوں کی اس مٹی کو پھر بہادر دلوں کی یاد میں امرت واٹیکا بنانے کے لیے استعمال کیا جائے گا۔ کارتویہ پاتھ کے قریب ملک کے لیے اپنی جانیں قربان کرنے والے لوگوں کی یاد میں ایک یادگار قائم کی جائے گی۔
