تحصیل کوٹ بھلوال کے گودلئے گئے گاؤں امب میں مختلف سرگرمیوں بارے تبادلہ خیال
لازوال ڈیسک
جموں؍؍پرنسپل چیمبر میں کالج پرنسپل کی صدارت میں ایک مشاورتی کمیٹی کا اجلاس منعقد ہوا ۔مولانا آزاد میموریل کالج کے NSS یونٹ نے مختلف NSS سرگرمیوں کے انعقاد کے لیے تحصیل کوٹ بھلوال ضلع جموں کے گاؤں امب کو گود لیا ہے۔میٹنگ کی صدارت پرنسپل (پروفیسر) ڈاکٹر جی ایس رکوال نے کی اور اس میں پنچایت امب کی سرپنچ رجنی دیوی، نائب سرپنچ سندیپ سنگھ، پنچ پیار سنگھ، این ایس ایس ایڈوائزری کمیٹی کے کنوینر پروفیسر روتھ کے میشی اور ایڈوائزری کمیٹی اور این ایس ایس کے تمام کمیٹی ممبران دونوں NSS یونٹوں کے پروگرام آفیسرزنے شرکت کی۔ مشاورتی کمیٹی کے ارکان نے مقامی لوگوں کی مدد سے منشیات سے نجات پر نکڑ ناٹک کے انعقاد اور سائبر آگاہی پروگرام جیسے مختلف امور پر تبادلہ خیال کیا۔اس کے علاوہ پانی بچاؤ، صفائی مہم، تعلیمی اور صحت سے متعلق آگاہی اور شجرکاری مہم وغیرہ کے انعقاد پر تبادلہ خیال کیا گیا اور انہیں امب پنچایت کے مقامی طلباء کی مدد سے منعقد کرنے کی ضرورت ہے۔
