ست شرما نے بی جے پی ہیڈکوارٹر میں عوامی دربار منعقد کیا
لازوال ڈیسک
جموں؍؍بی جے پی کے سینئر لیڈر اور سابق وزیر ست شرما نے اپنے ایک بیان میںکہا کہ وزیر اعظم نریندر مودی کی قیادت میں مرکزی حکومت نے پچھلے دس سالوں میں شاندار کام کیا ہے۔انہوں نے کہاکہ یہ کام پورے ملک میں لوگوں کی طرف سے کافی تعریف وصول کر رہے ہیں۔ست شرما اپنے ہفتہ وار عوامی دربار کے دوران پارٹی ہیڈکوارٹر، تریکوٹہ نگر، جموں میں متعدد وفود اور افراد سے بات کر رہے تھے۔
وہیںست شرما نے کہا کہ بی جے پی نے وزیر اعظم نریندر مودی کی قیادت میں 2014 اور 2019 میں مرکز میں اپنی حکومت بنائی اور دس سال مکمل کر رہی ہے۔ اس عرصے کے دوران بہت سے تاریخی فیصلے کیے گئے، بڑے ترقیاتی منصوبے شروع کیے گئے اور مکمل کیے گئے، اس کے علاوہ بڑی تعداد میں فلاحی اسکیمیں شروع کی گئیں۔ انہوں نے کہاکہ جموں و کشمیر کو بھی ہر شعبے میں حصہ ملا ہے۔ انہوں نے کہا کہ جموں و کشمیر کی تاریخ میں پہلی بار مرکز کی حکومت نے بغیر کسی تفریق اور خوشامد کے تمام طبقات اور خطوں کا خیال رکھا ہے۔
ست شرما نے کہا کہ بی جے پی آنے والے مہینوں میں لوک سبھا انتخابات لڑنے جا رہی ہے اور پارٹی کیڈر یوٹی میں تمام پارلیمانی سیٹوں پر زبردست جیت کو یقینی بنانے کے لیے چوبیس گھنٹے کام کر رہا ہے۔ انہوں نے لوگوں سے اپیل کی کہ وہ بی جے پی کی حمایت کریں اور ووٹ دیں اور پارٹی کی جیت میں اپنا حصہ ڈالیں۔
