کہابی جے پی کی غیر متزلزل وابستگی ہر علاقے اور مذہب کے لوگوں کو اپنی طرف متوجہ کر رہی ہے
لازوال ڈیسک
جموں؍؍جموںو کشمیر بھاجپا کے سابق صدر ست شرما نے کہا کہ مودی حکومت نے ضرورت مندوں اور نظر انداز شدہ طبقات کی سماجی و اقتصادی حالت کو بہتر بنایا ہے جبکہ ہندوستان کو ہر ہندوستانی کو بااختیار بنانے والی بے مثال ترقی کی طرف رہنمائی کی ہے۔بی جے پی کے سابق ریاستی صدر اور سابق وزیر ست شرما نے بی جے پی ہیڈ کوارٹر، تریکوٹہ نگر، جموں میں منعقدہ ایک پروگرام میں پارٹی میں خواتین سمیت جموں کے ممتاز شہریوں کا ایک بڑی تعداد کا خیرمقدم کرتے ہوئے یہ بات کہی۔وہیںنئے داخل ہونے والوں کا خیرمقدم کرتے وقت ست شرما کے ساتھ سابق وی سی بلبیر رام رتن، بی جے پی سکریٹری انجو ڈوگرا، لائبریری انچارج پروفیسر کلبھوشن موہترا اور آر ایم ایس اے انچارج انکش گپتا بھی موجود تھے۔اس موقع پرست شرما نے کہا کہ گزشتہ برسوں کے دوران سماج کے مختلف طبقوں سے تعلق رکھنے والے لوگوں کی ایک بڑی تعداد اور ان کی ذات، عقیدہ یا مذہب سے قطع نظر، جوش و خروش سے بی جے پی کو گلے لگا رہے ہیں کیونکہ انہیں احساس ہو گیا ہے کہ یہ صرف بی جے پی اور اس کی حکومت ہی ہے جو ملک کو ایک نئی سمت دے سکتی ہے ۔شرما نے اس موقع پر یہ امید بھی ظاہر کی کہ نئے آنے والے کارکنان عوام تک پہنچیں گے اور انہیں ملک کی بہبود اور ترقی کے لیے نوٹ بندی کی ضرورت اور اہمیت کے بارے میں آگاہ کریں گے۔
