ظہیر عباس/حیدر بانڈے
منڈی//گزشتہ شب منڈی میں شدید بارش برف باری اور تند ہوا کی وجہ سے جہاں تحصیل منڈی کے مذافاتی علاقہ جات سے نقصانات کی خبریں موصول ہوئی وہیں تحصیل صدر مقام منڈی میں ایک رہائشی مکان تیز ہوا اور بارش کی وجہ سی منہدم ہوا ہے – ذراع کے مطابق تحصیل منڈی میں موسلا دار بارش اور برف باری کی وجہ سے ایک تین منزلہ رہائشی مکان منہدم ہوا – جمعرات اور سنیچر کی شب منڈی وارڈ نمبر 2 میں مظفر حسین ولد شفیق حسین باگن کا رہائشی مکان منہدم ہوا ۔اس دوران کوئی بھی جانی نقصان تو نہیں ہوا لیکن کثیر تعداد میں مالی نقصان کی خبر موصول ہو ئی ہے – اس سلسلہ میں جب مزید جانکاری حاصل کی گئی تو معلوم ہوا کہ تین منزلہ عمارت میں لاکھوں کی سامان موجود تھا جو مکان کے منہدم ہونے کی وجہ سے تباہ ہو گیا – ذرائع سے بات کرتے ہوئے مظفر علی باگن نے بتایا کہ زندگی کی پوری پونجی اسی مکان پر صرف ہوئی تھی جو ہماری آنکھوں کے سامنے رائگاں ہوگئی – انھوں نے کہا کہ والد بزرگ ہیں بول بھی نہیں سکتے اور گھر میں کمانے والا کوئی بھی نہیں جس وجہ سے پریشانی میں مزید اضافہ ہے – مظفر علی بانگن نے حکومت سے اپیل کرتے ہوئے کہا کہ میرے پاس کوئی بھی ذریعہ معاش نہیں ہے اس لئے حکومت میری امداد کرے تاکہ میں دوبارہ اپنے پاو¿ں پر کھڑا ہو پاو¿ں اور میری مشکلات کا ازالہ ہو سکے –
