شیراز چوہدری
راجوری؍؍ منجاکوٹ تھانہ علاقہ میں پولیس نے ایک شخص کو گرفتار کیا ہے جب اس کے قبضے سے چرس جیسی مادہ بھنگ کا پاؤڈر برآمد کیا گیا ہے ۔اس پر ایک بیان جاری کرتے ہوئے راجوری پولیس نے کہا کہ ایس ڈی پی او منجاکوٹ ظفر راتھر کی نگرانی میں ایس ایچ او منجاکوٹ ابرار خان کی سربراہی میں ایک ٹیم تحصیل منجاکوٹ کے حیات پورہ گاؤں میں معمول کی گشت پر تھی کہ اس علاقے سے مشکوک انداز میں گزرنے والے ایک شخص کو روکا گیا اور اس کی تلاشی لینے پر چرس کی 12 چلیاں (رولز) جیسے 150 گرام وزنی مادہ اور 160 گرام بھنگ کا پاؤڈر برآمد ہوا جسے پولیس نے موقع سے قبضے میں لے لیا جبکہ اس شخص کو گرفتار کر لیا گیا ہے۔اس کی شناخت محمد اعجاز ولد محمد سرور ساکنہ حیات پورہ منجاکوٹ کے طور پر کی گئی ہے۔منجاکوٹ پولیس تھانہ میں قانون کی متعلقہ دفعات کے تحت مقدمہ درج کیا گیا ہے اور گرفتار افراد کے تمام تعلقوں کا پتہ لگانے کے لیے تحقیقات شروع کردی گئی ہے۔
