مشتاق احمد دیو
کشتواڑ؍؍ضلع کشتواڑ کے ایک خوبصورت ترین مقام مغلمیدان کے سیاحتی مرکز کے احاطہ میں آج مشن لایف مہم 2023, کے سلسلے میں ایک پر وقار تقریب کا انعقاد فاریسٹ ڈویژن مڑواہ کی طرف سے منعقد ہوا ۔اس پروگرام میں ایک مقرر IFS مہمان آفیسر نے شرکت کی ۔انہوں نے اس پروگرام کے انعقاد کرنے کے استفادہ سے حاضرین کو باخبر کیا اور کہا کہ ایسے پروگرامز کے انعقاد سے لوگوں کو جنگلات کے جملہ فواید انکی افادیت اور ان کے تحفظ کے بارہ میں ہر خواص وعوام مطلع ہوتی ھے ۔انہوں نے حاضرین سے کہا کہ وہ خود بھی ان وطیروں کو اپنائیں اور دوسروں کو آمادہ کریں جن سے جنگل محفوظ رہیں اور ماحول بھی تر وتازہ رہ سکیں ۔انہوں نے خاص کر پالیتھین لفافوں کو اپنے استعمال سے باہر کرنے کی تلقین کی ۔ڈی ایف او مڑواہ وجے کمار نے بھی ایسے پروگرامز کے انعقاد اور ان کے فواید سے حاضرین کو باخبر کیا اور کہا کہ زیادہ سے زیادہ عوام کو ان میں شرکت کرنی چاھیے ۔محکمے کے پروگرام کے ایک ذمیدار مظفر حسین نے بتایا کہ یہ پروگرام انتہائی کامیاب رہا اور آیندہ بھی مختلف مقامات پر ایسے پروگرامز منعقد کیے جائیں گے ۔آج کے اس پروگرام میں کئی معزز شہریوں اور مقامی سکولی طلباء وطالبات نے بھی شرکت کی ۔
