یواین آئی
نئی دہلی؍؍صدر دروپدی مرمو نے عید الاضحیٰ کے موقع پر ہم وطنوں کو مبارکباد دی ہے۔محترمہ مرمو نے اپنے پیغام میں کہاکہ ’’میں تمام ہم وطنوں اور بیرون ملک مقیم ہندوستانیوں، خاص طور پر اپنے مسلمان بھائیوں اور بہنوں کو دل کی گہرائیوں سے مبارکباد اور نیک خواہشات پیش کرتی ہوں۔‘‘انہوں نے کہا کہ عید الاضحیٰ محبت، ایثار اور قربانی کا مقدس تہوار ہے۔ یہ تہوار ہمیں ترک کی راہ پر چلنے اور انسانیت کی بے لوث خدمت کرنے کی ترغیب دیتا ہے۔ آئیے اس موقع پر ہم سب مل کر معاشرے میں باہمی بھائی چارے اور باہمی ہم آہنگی کو بڑھانے کی راہ پر آگے بڑھنے کا عہد کریں۔‘‘نئی دہلی؍؍نائب صدر جگدیپ دھنکھڑ نے عید الاضحیٰ کے قبل شام کو عوام کو مبارکباد دی ہے۔مسٹردھنکھڑ نے اپنے پیغام میں کہاکہ ’’عید الاضحیٰ کے مبارک موقع پر میں تمام عوام کو دل کی گہرائیوں سے مبارکباد پیش کرتا ہوں۔ عید الاضحیٰ قربانی اور بے لوث خدمت کی علامت اورشکر اداکرنے ایک کا موقع ہے۔ یہ تمام خاندانوں اور برادریوں کو آپس میں خوشیاں اور مبارکباد دینے کا موقع بھی ہے۔ یہ عید ہم سب کے لیے امن، خوشحالی اور خوشیاں لائے، یہی ہماری دعا ہے۔
