جی ڈی سی تھنہ منڈی نے شہباز راجوروی پر سیمینار کا انعقاد کیا
لازوال ڈیسک
تھنہ منڈی:؍؍جی ڈی سی تھنہ منڈی مادری زبانوں کے عالمی دن کے موقع پرشہباز راجوروی کی زندگی اور کام پر ایک سیمینار کا انعقاد کیا۔واضح رہے پیرپنجال کے معروف شاعر اور ادیب شہباز راجوروی کی زندگی اور کاموں پر ایک جی ڈی سی تھنہ منڈی نے ایک سیمینارکا انعقاد کالج کے پرنسپل پروفیسر (ڈاکٹر) فاروق احمد کی سرپرستی میں منعقد ہوا۔اس موقع پر پیرپنجال کے معروف ماہر تعلیم اور بلند پایہ شخصیت خورشید احمد بسمل مہمان خصوصی تھے جبکہ معروف افسانہ نگار اقبال نازش اور افضل ضیاء مہمان ذی وقار تھے۔اس دوران ڈاکٹر نسیم احمد ملک، ہیڈ ڈیپارٹمنٹ آف کیمسٹری اور کالج کے سینئر ترین فیکلٹی نے تقریب کی صدارت کی۔وہیں معززین نے شہباز راجوروی کی زندگی اور کارناموں پر مبنی ڈاکٹر عبدالحق نعیمی کی مرتب کردہ کتاب ’شہباز راجوروی- ادبی خدمات‘ کا اجرا بھی کیا۔
اپنے پیغام میں پروفیسر فاروق احمد نے کہا کہ مقامی زبانوں کو محفوظ رکھنے اور شہباز راجوروی جیسی شخصیت کی وراثت کو جاری رکھنے کی اشد ضرورت ہے جنہوں نے ان کے تحفظ اور فروغ کے لیے اہم کردار ادا کیا۔ انہوں نے آرگنائزنگ ٹیم کو نوجوانوں اور طلباء کے درمیان ممتاز علاقائی سکالرز کے تعاون کو اجاگر کرنے کی مسلسل کوششوں کو سراہا۔اس موقع پرخورشید بسمل نے اپنے کلیدی خطاب میں شہباز راجوری کی ایک ہمہ گیر شخصیت کے طور پر بے شمار شراکت پر روشنی ڈالی اور شاندار خراج عقیدت پیش کیا۔
قبل ازیں ڈاکٹر اسحاق ملک، IQAC کوآرڈینیٹر اور سربراہ، شعبہ نباتیات نے پروگرام کے بارے میں حاضرین کا استقبال کیا اور تعارف کرایا۔ ڈاکٹر عبدالحق نعیمی، ہیڈ شعبہ اردو اور کنوینر، کالج لٹریری ایکٹیویٹی کمیٹی نے پروگرام کی کارروائی چلائی جبکہ ڈاکٹر نسیم احمد ملک نے رسمی کلماتِ تشکر پیش کیا۔ اس موقع پر دیگر اہم شخصیات میں پروفیسر الطاف حسین، ڈاکٹر جنید احمد، ڈاکٹر اطہر رائنا، ڈاکٹر جاوید احمد، ڈاکٹر ارشد خان، ڈاکٹر وحید احمد قاضی، ڈاکٹر زبیر اور ڈاکٹر انظر پیرزادہ موجود تھے۔
