اکھنور میں سینکڑوں لوگوں نے بی جے پی میں شمولیت اختیار کی
لازوال ڈیسک
جموں؍؍سابق ممبر پارلیمنٹ (راجیہ سبھا) شمشیر سنگھ منہاس کی موجودگی میں اکھنور میں سینکڑوں لوگوں نے بھارتیہ جنتا پارٹی (بی جے پی) میں شمولیت اختیار کی۔ وہیںنئے آنے والوں سے تبادلہ خیال کرتے ہوئے منہاس نے کہا کہ وزیر اعظم نریندر مودی کی قیادت والی حکومت نے لوگوں کے لیے بہت اچھے کام کیے ہیں اور لوگ ان کے ‘سب کا ساتھ سب کا وکاس’ کے فلسفے سے متاثر ہیں۔انہوں نے نئے جموں و کشمیر میں ترقی کی تعریف کرتے ہوئے کہاکہ اس حکومت نے سماج کے ہر طبقے کو بااختیار بنایا ہے اورلوگ مودی اور بی جے پی کو مضبوط کرنا چاہتے ہیں۔
اس موقع پرسابق ایم ایل اے اکھنور راجیو شرما نے کہا کہ یہ نئے اضافے بی جے پی کی طاقت کو تقویت دیں گے، آئندہ لوک سبھا انتخابات میں وزیر اعظم نریندر مودی کے لیے حمایت حاصل کریں گے، جس کا مقصد ان کی مسلسل تیسری میعاد ہے۔وہیںسورج سنگھ، وائس چیئرمین ڈسٹرکٹ ڈیولپمنٹ کونسل، جموں نے اس بات پر زور دیا کہ جموں و کشمیر میں اتحاد کی حرکیات سے بی جے پی کے اثر و رسوخ کو کم نہیں کیا جائے گا، انہوں نے خطے میں پارٹی کی مضبوط موجودگی اور کامیابیوں کا حوالہ دیا۔
