ولادی ووستوک، 7 اگست (یو این آئی) روس کے انتہائی مشرقی علاقے پرائموری میں لاپتہ ہونے والا ایک ہلکا طیارہ گر کر تباہ پایا گیا، جس میں دو افراد کی ہلاکت کی تصدیق ہوئی ہے۔ مقامی میڈیا نے بدھ کو یہ اطلاع دی۔
روس کی آر آئی اے نووستی خبر رساں ایجنسی نے ایک مقامی اہلکار کا حوالہ دیتے ہوئے کہا، "شکوٹوسکی میونسپل ڈسٹرکٹ کی انٹیگریٹڈ ڈیوٹی ڈسپیچ سروس سے سٹیکلیانوکھا گاؤں سے دو کلومیٹر کے فاصلے پر واقع حادثے کی جگہ کے بارے میں معلومات موصول ہوئی تھی۔ پائلٹ اور مسافر دونوں کی موت ہو گئی ہے۔” "مزید معلومات اکٹھی کی جا رہی ہیں۔”
برسٹل لائٹ انجن والے طیارے کا منگل کوپرائموری ٹیریٹری میں نووروسیا لینڈنگ سائٹ سے تقریباً 30 کلومیٹر دور ماؤنٹ لیسایا کے قریب رابطہ منقطع ہو گیا۔ یہ طیارہ سخالین علاقے میں پشتسٹی لینڈنگ سائٹ سے نووروسیا لینڈنگ سائٹ کے راستے میں تھا۔ ایک مجرمانہ تفتیش شروع کر دی گئی ہے۔
