کئی گاڑیوں کے چالان، والدین کو کمسن بچوں کو گاڑیاں نہ دینے کی اپیل
بابر فاروق
کشتواڑ؍؍قصبہ کشتواڑ کے گردونواح کے ساتھ ساتھ قصبہ کشتواڑ میں بھی ٹریفک پولیس کشتواڑ نے مختلف مقامات پر ڈی ٹی آئی کشتواڑ نونیت ورما کی قیادت میں ناکے قائم کیے۔ اس دوران کئی گاڑیوں کی جانچ کی گئی اور خصوصی توجہ کمسن طلباء کی ڈرائیونگ پر دی گئی۔ جانچ کے دوران کئی مسافر گاڑیوں کے دستاویزات کے ساتھ ساتھ دیگر ٹریفک قوانین کی خلاف ورزی پر بھی توجہ دی گئی جن میں تیز رفتار، اوورلوڈنگ، موبائل فون کا استعمال شامل ہیں۔ اس دوران کء گاڑیوں کے چالان کیے گئے جن میں تین دو پہیے والی گاڑیاں بھی شامل ہیں۔ ٹریفک پولیس کے سینئر آفیسران کا کہنا ہے کہ کء بار کمسن طلباء کو ڈرائیونگ کرتے ہوئے پایا گیا اور قائم کردہ ناکے کے دوران بھی ایسے معاملہ سامنے آئے۔
انہوں نے کہا کہ ان کے کاروائی کرتے ہوئے انہیں چالان کیے گئے اور والدین کو بلا کر بیداری بھی فراہم کی گئی۔ ڈی ٹی آئی کشتواڑ نونیت ورما نے کہا اس دوران والدین کو جانکاری دی گئی اور کمسن بچوں بنا ڈرائیونگ لائسنس کے ڈرائیونگ کے مضر اثرات کے بارے میں جانکاری دی گئی۔ تینوں دو پہیے والی گاڑیوں کو تیس ہزار کا جرمانہ عائد کیا گیا۔ ڈی ٹی آئی کشتواڑ نونیت ورما نے والدین سے اپیل کی کہ کمسن بچوں خصوصاً اسکولی طلباء کو گاڑی چلانے کی اجازت نہ دیں۔ انہوں نے کہا کہ بنا ڈرائیونگ لائسنس کے گاڑی چلانے کے کئی نقصانات ہیں اور والدین کو احتیاط برتنی چاہیے تاکہ کمسن بچوں کی حفاظت کو یقینی بنایا جا سکے۔
