کمانڈنگ آفیسر11 آرآر، کرنل ششپال سنگھ نے ونر اور رنرز اپ کو ٹرافی کے ساتھ ساتھ انفرادی کھلاڑیوں کو میڈل بھی دیئے
چودھری محمد اسلم
مغلمیدان؍؍خطے میں کھیلوں کی صلاحیتوں کو فروغ دینے کے لیے، آرمی نے مغل میدان، ضلع کشتواڑ میں والی بال چیمپئن شپ کا انعقاد کیا۔ اس ایونٹ کا مقصد نوجوانوں کو اپنی صلاحیتوں کو ظاہر کرنے کے لیے ایک پلیٹ فارم مہیا کرنا تھا۔ٹورنامنٹ میں مغل میدان علاقہ کی کل 12 ٹیموں نے حصہ لیا۔ کھلاڑیوں نے جس مسابقتی جذبے کا مظاہرہ کیا وہ واقعی غیر معمولی تھا۔ شرکت سے لے کر تقریب کے اختتام تک مقامی نوجوانوں کا جوش و جذبہ قابل تعریف تھا۔ دلچسپ فائنل میں آلمائٹ کلب نے پیر پنجال واریئرز کو شکست دی۔ کمانڈنگ آفیسر11 آرآر، کرنل ششپال سنگھ نے ونر اور رنرز اپ کو ٹرافی کے ساتھ ساتھ انفرادی کھلاڑیوں کو میڈل بھی دیئے۔ نوجوانوں پر زور دیا گیا کہ وہ اپنے روشن مستقبل کے لیے اپنی کھیلوں کی دلچسپیوں کو جاری رکھیں۔مقامی آبادی نے کھیلوں کے ایونٹ کے مسلسل انعقاد کے لیے فوج کی کوششوں کو بے حد سراہا ہے جس سے مسابقتی جذبہ، کھیلوں سے محبت اور مقامی عوام اور فوج کے درمیان دوستی اور اعتماد کا احساس پیدا ہوتا ہے۔
