متعلقہ افراد کو ٹریفک کی آزادانہ نقل و حرکت کو یقینی بنانے کی ہدایات جاری کیں
لازوال ڈیسک
رام بن؍؍ڈپٹی کمشنر، رام بن، مسرت اسلام نے آج نیشنل ہائی وے اتھارٹی آف انڈیا کے ذریعہ رام بن سے ناشری تک کے نامور نیشنل ہائی وے44کے پروجیکٹوں پر پیشرفت کا معائنہ کیا، اس کے علاوہ خاص طور پرحساس مقامات پر موجودہ سڑکوں کی حالت کا جائزہ لیا۔وہیںسینئر سپرنٹنڈنٹ آف پولیس، ٹریفک، نیشنل ہائی وے، رام بن، روہت بسکوترا، پروجیکٹ ڈائریکٹر، این ایچ اے آئی پی آئی یو، رام بن، پرشوتم کمار، پروجیکٹ ڈائریکٹر، این ایچ اے آئی پی آئی یو، ادھم پور، انوج کمار، چیف ایجوکیشن آفیسر، دیوآنند، تحصیلدار بٹوٹ، وجے شرما، تحصیلدار رام بن، رفیق احمد اور مختلف متعلقہ افسران اورکمپنیوں کے نمائندے بھی اس دورے کے دوران موجود تھے۔تاہم دھلواس پر ٹریفک کی رفتار میں رکاوٹ پیدا کرنے والے مسائل اور ایس ایس پی ٹریفک کی طرف سے دی گئی تجاویز پر تبادلہ خیال کرتے ہوئے، ڈی سی نے ایگزیکیوٹنگ ایجنسی کو ہدایت کی کہ وہ حساس اور دیگر شناخت شدہ مقامات پر سڑک کو برقرار رکھے جیسا کہ ٹریفک کی بھیڑ سے بچنے اورشاہراہ پر گاڑیوں کی آزادانہ نقل و حرکت کے لیے تبادلہ خیال کیا گیا۔
