ملازم طبقہ کی جانب سے مبارک باد پیش
تنہا ایاز
پلوامہ؍؍ یوم جمہوریہ کی تقریب کے دوران جہاں کئی محکموں کو بہترین کارکردگی کے اعتراف میں انعامات سے نوازا گیا وہیں ڈسٹرکٹ انڈسٹریز سینٹر، پلوامہ کے فیلڈ افسر کی بھی حوصلہ افزائی کی گئی۔ تفصیلات کے مطابق ضلع انتظامیہ پلوامہ نے یوم جمہوریہ کی تقریب پر ڈسٹرکٹ انڈسٹریز سینٹر پلوامہ کے فیلڈ افسر مشتاق احمد وانی کو بہترین خدمات انجام دینے پر ایوارڈ سے نوازا۔ادھر کئی ملازم طبقوں کے ساتھ ساتھ سماجی اور عوامی حلقوں نے مذکورہ فیلڈ آفیسر کو مبارک باد دی اور ضلع انتظامیہ کا شکریہ ادا کرتے ہوئے کہا کہ بہترین خدمات انجام والے افراد کی حوصلہ افزائی کرنا وقت کی ضرورت ہے۔ واضح رہے کہ پچھلے سال بھی ڈسڑکٹ ایڈمنسٹریشن نے ڈی آئی سی پلوامہ کے فیلڈ افسر مشتاق احمد کو ایوارڈ سے نوازا تھا۔
