کہاووٹروں سے گزارش ہے کہ وہ بی جے پی کے جال میں نہ آئیں
لازوال ڈیسک
https://jknc.co.in/
جموں؍؍جموں و کشمیر نیشنل کانفرنس (جے کے این سی) سماج کے پسماندہ اور کمزور طبقات کی بہتری کے لیے پرعزم ہے اور ہمارے انتخابی وعدے اس بات کی گواہی دیتے ہیں کہ پارٹی نے خواتین کی فلاح و بہبود پر خصوصی توجہ دی ہے۔ان خیالات کا اظہار سابق وزیر اور صدر، جے کے این سی سنٹرل زون (جموں، سانبہ اور کٹھوعہ)، بابو رام پال نے پرانے شہر میں ایک اجلاس سے تبادلہ خیال کرتے ہوئے کیا۔ اس میٹنگ کا اہتمام زونل سکریٹری اور کوآرڈینیٹر جموں ضلع ڈاکٹر وکاس شرما نے کیا تھا۔
اس موقع پر بات کرتے ہوئے بابو رامپال نے کہاکہ ہمارے منشور کے بنیادی ستون، سماجی ترقی، خواتین کی بہبود اور بااختیار بنانے پر توجہ مرکوز کرتے ہیں۔ انہوں نے کہاکہ جموں و کشمیر کے لیے ہمارا وژن ایک ایسے معاشرے کی تشکیل کے گرد گھومتا ہے جو شمولیت، مساوی مواقع، اور سماجی انصاف کو ترجیح دیتا ہے۔
انہوں نے مزید کہاکہ ہم اپنے معاشرے کے سماجی و اقتصادی تانے بانے میں خواتین کی بے پناہ شراکت کو سمجھتے ہیں، خاص طور پر وہ گھرانوں کی سربراہی کرتی ہیں۔ اس لیے ہم خواتین اور خاندانوں کی بہبود کے لیے ٹھوس اقدامات کرنے کا پختہ وعدہ کر رہے ہیں۔وہیںخواتین اور دیگر پسماندہ طبقوں کے لیے انتخابی وعدوں کی وضاحت کرتے ہوئے، انھوں نے کہا کہ انھیں اقتصادی طور پر کمزور طبقوں (ای ڈبلیو ایس ) گھرانوں کی خواتین سربراہان کو 5000 روپے ماہانہ کی پیشکش کر کے مالی تحفظ فراہم کرنے کا وعدہ کیا گیا تھا، جو انھوں نے کہا کہ ان خاندانوں کے لیے استحکام کو یقینی بنائے گا جو خواتین پر انحصار کرتے ہیں۔
انہوں نے مزید کہا کہ وہ خواتین کاروباریوں کو ایسی اسکیموں پر عمل درآمد کرکے بااختیار بنائیں گے جو انہیں کاروباری دنیا میں ترقی کی منازل طے کرنے کے لیے مالی مدد اور وسائل فراہم کرتی ہیں۔
انہوں نے مزید کہاکہ اس کے علاوہ، ہم حکمرانی اور فیصلہ سازی کے عمل میں خواتین کی مساوی نمائندگی کو یقینی بنانے کے لیے پرعزم ہیں۔انہوں نے مزید کہا کہ گھریلو اخراجات کے بوجھ کو کم کرنے کے لیے، ہماری پارٹی ای ڈبلیو ایس زمرے میں خاندانوں کو سالانہ 12 مفت ایل پی جی سلنڈر فراہم کرے گی، اس بات کو یقینی بناتے ہوئے کہ کوئی بھی خاندان اپنی بنیادی ضروریات کو پورا کرنے کے لیے جدوجہد نہ کرے۔
