لاک ڈاون کے دوران اشیائے ضروری کی قلت نہیں ہوگی: جاوڈیکر
لازوال ڈیسک
نئی دہلی حکومت نے کہا ہے کہ لاک ڈاون کے دوران 21 دنوں تک اشیائے ضروری کی کوئی قلت نہیں ہوگی لہذا دہشت زدہ ہو کر سامان خرید نے کی دوڑ سے گریز کرنا چاہئے ۔حکومت نے ڈاکٹروں اور صحافیوں کو لاک ڈاون کے دوران کام پر جانے کی وجہ سے انفیکشن کے اندیشے کے پیش نظر گھر خالی کرانے کے واقعہ پر تشویش ظاہر کرتے ہوئے لوگوں سے اس طرح کا برتاونہ کرنے کی اپیل کی ہے ۔اطلاع و نشریات کے وزیر پرکاش جاوڈیکر نے وزیراعطم نریندر مودی کی صدارت میں بدھ کے روز ہوئی میٹنگ کے بعد پریس کانفرنس میں صحافیوں کے سوالوں کے جواب میں کہا کہ یہ سنجیدہ اور تشویشناک صورتحال ہے ۔ کسی مہذب معاشرے میں اس طرح کا رویہ درست نہیں ہے ۔انہوں نے کہا کہ جنتا کرفیو کے دوران ملک نے تالی اور تھالی بجاکر کرونا سے لڑنے والے انہیں لوگوں کا شکریہ ادا کیا تھا لیکن دو دن بعد انہیں بہادر لوگوں کو گھر خالی کرنے کے لئے کہا جارہا ہے ۔مسٹر جاوڈیکر نے کہا کہ اس طرح کی باتیں غلط ہیں اور سماج کو سمجھنا چاہیے کہ یہ انسانیت کی خدمت ہے ۔ سماج کو سمجھنا چاہئے کہ یہ لوگ کورونا کے خلاف محٓاذ پر ڈٹ کر کھڑے ہیں اس لئے ان کا احترام کیا جانا چاہیے ۔واضح رہے کہ کل ڈاکٹروں نے وزیر داخلہ امت شاہ سے بھی شکایت کی تھی کہ مکان مالکان کورونا وائرس کا علاج کررہے ڈاکٹروں کو گھر خالی کرنے کے لئے کہہ رہے ہیں۔حکومت نے کہا ہے کہ لاک ڈاون کے دوران 21 دنوں تک اشیائے ضروری کی کوئی قلت نہیں ہوگی لہذا دہشت زدہ ہو کر سامان خرید نے کی دوڑ سے گریز کرنا چاہئے ۔اطلاعات و نشریات کے وزیر پرکاش جاوڈیکر نے وزیر اعظم نریندر مودی کی صدارت میں بد ھ کے روز ہوئی میٹنگ کے بعد پریس کانفرنس میں کہا کہ حکومت تین ماہ کا راشن ایڈوانس میں دے گی ۔ ملک کے 80 کروڑ لوگوں کو راشن ملے گا اور کسی ضروری سامان کی قلت نہیں ہونے دی جائے گی ۔ انہوں نے کہا کہ لاک ڈاون کے دوران 21 دنوں تک ملک بھر میں کہیں بھی اشیا ئے ضروری کی دکانیں بند نہیں ہوں گی ۔ لوگ دہشت زدہ ہو کر کی خریداری نہ کریں، نہیں تو اس سے ذخیرہ اندوزی اور کالابازاری کوفروغ ملے گا ۔ انہوں نے کہا کہ اشیائے ضروری کی تمام دکانیں ہر دن کھلیں گی چاہے ، دودھ، پھل سبزی ہو، انڈے -گوشت ہو یا پھر دیگر ضروری سامان ہو ۔ تمام چیزیں ویسے ہی دستیاب ہوں گی، جیسے حسب سابق دستیاب ہوتی ہے ۔ انہوں نے گجرات کے ایک شہر اور پڈوچیری کی ایک دکان کی تصویر دکھا کر کہا کہ لوگ بیدار ہوں ۔ دکان میں خریداری کرتے وقت بھی مناسب فاصلے بنا کر رکھیں ۔ اس سے وہ سامان بھی لے پائیں گے اور انفیکشن سے بھی بچے رہیں گے ۔
