جموں مغربی اسمبلی حلقہ کے تالاب تلو کے بھارت نگر علاقے میں ڈرین اور پیور ٹائلوں کے کام کا افتتاح کیا
لازوال ڈیسک
جموں ؍؍ سابق ریاستی صدر، بی جے پی اور سابق وزیر، ست شرما (سی اے) نے ضلع صدر بی جے پی جموں پرمود کپاہی اور کارپوریٹر وارڈ 40 نیلم نرگوترا کے ساتھ جموں مغربی اسمبلی حلقہ کے تالاب تلو کے بھارت نگر علاقے میں ڈرین اور پیور ٹائلوں کے کام کا افتتاح کیا۔ بی جے پی کے میڈیا سکریٹری ڈاکٹر پردیپ مہوترا، جے ای جے ایم سی شباب اور کئی دوسرے بھی موجود تھے جن میں مقامی باشندے، سیاسی کارکن اور جے ایم سی کے عہدیدار شامل تھے۔اس موقع پر بات کرتے ہوئے ست شرما نے کہا کہ واقعتاً یہ باشندوں کا دیرینہ مطالبہ تھا جو آج پورا ہو گیا ہے اور انہوں نے کہا کہ اس کے پیچھے کا مشن معاشرے کو ایک سازگار اور صاف ستھرا ماحول فراہم کرنا ہے۔ انہوں نے کہا کہ ایم ایل اے کے طور پر ان کے دور میں بہت سی گلیوں اور نالوں کے کام شروع کئے گئے تھے اور اب ان میں سے زیادہ تر تعمیر کئے گئے ہیں جس سے "جموں ویسٹ” کے مشن کو ماڈل حلقہ کے طور پر حاصل کرنے میں کافی مدد ملی ہے۔ انہوں نے کہا کہ عوام کو ان کی دہلیز پر ہر ممکن مدد فراہم کرنے کی کوششیں جاری ہیں جس کے لیے انہوں نے شہریوں سے اپیل کی کہ وہ اپنے اردگرد کو صاف ستھرا رکھنے میں اپنا کردار ادا کریں۔ انہوں نے یہ بھی کہا کہ ایک صاف ستھرا ماحول فراہم کرنا نریندر مودی کی قیادت والی مرکزی حکومت کا مقصد ہے اور صاف ستھری، برقرار سڑکیں اسمارٹ سٹی کی حقیقی علامت ہیں۔پرمود کپاہی اور نیلم نرگوترا نے کہا کہ بی جے پی کے دور حکومت میں ترقی ہر کونے تک پہنچی ہے۔ انہوں نے کہا کہ کانگریس کی قیادت والی حکومتوں میں اس طرح کے کام پہلے کبھی نہیں ہوئے تھے لیکن بی جے پی پی ایم مودی کے ویڑن پر عمل کرتے ہوئے عوام کو بہترین ممکنہ مدد فراہم کرنے کے لئے زمینی کام کر رہی ہے۔ انہوں نے سابق ایم ایل اے کی طرف سے جموں ویسٹ کی مجموعی حالت کو بہتر بنانے کے لیے کیے گئے کاموں کی بھی ستائش کی اور کہا کہ ان کی قیادت میں جموں ویسٹ نے ترقی کے معاملے میں بہت اچھا کیا ہے۔اس موقع پر سابق کارپوریٹر چمن لال، پروین گھئی، راہل نرگوترا، وکاس کمار، موہن لال گپتا، سونالی گپتا، ڈاکٹر کرن سنگھ، اجے گپتا، اتل مہاجن، وشال مہاجن، سپروائزر بھٹ اور کئی دیگر بھی موجود تھے۔
