حیدرآباد۔6 اکتوبر (یواین آئی) شہر حیدرآباد کے شمس آباد ایرپورٹ پر بڑے پیمانہ پر سونا ضبط کیاگیا۔دبئی سے ریاستی دارالحکومت حیدرآباد پہنچے تین مسافرین کے سامان کی تلاشی کے دوران یہ سات کلو سونا کسٹم کے عہدیداروں نے برآمد کیا۔یہ سونا، بسکٹس کی شکل میں لایاگیا تھا جس کی مالیت 3.50کروڑروپئے ہے۔ان مسافرین کو حراست میں لیتے ہوئے ا ن سے پوچھ گچھ کی جارہی ہے تاکہ یہ پتہ چلایاجاسکے کہ کس کی ایماپر یہ زرد دھات حیدرآباد منتقل کی جارہی تھی اور اس کو یہاں پر کس کے حوالے کیاجانے والا تھا۔واضح رہے کہ گذشتہ روز بھی جنوبی ہند کے اس اہم ایرپورٹ پر 68لاکھ روپئے مالیت کا سونا ضبط کرلیاگیا تھا۔حالیہ دنوں کے دوران سونے کی اسمگلنگ کے واقعات کو روکنے کیلئے کسٹم عہدیداروں نے کافی چوکسی اختیار کی ہے۔
