لیفٹیننٹ گورنر نے بال تل بیس کیمپ کا دورہ کیا،متعلقین کیساتھ اِستفساری گفتگو اور جاری شری اَمرناتھ جی یاترا کے اِنتظامات کا جائزہ لیا
لازوال ڈیسک
سری نگر؍؍لیفٹیننٹ گورنر منوج سِنہا نے آج بال تل میں شری اَمرناتھ جی یاترا بیس کیمپ کا دورہ کیا۔لیفٹیننٹ گورنر نے بیس کیمپ میں یاتریوں ، خدمات فراہم کرنے والوں اور افسروں کے ساتھ بات چیت کی اور جاری شری اَمرناتھ جی یاترا سے متعلق اِنتظامات کا جائزہ لیا۔اُنہوں نے کہا،’’ شری اَمرناتھ جی یاترا سیاحت ، روزگار پیدا کرنے اور آمدنی میں اہم حصہ اَدا کر رہی ہے ۔ اِنسانی جذبہ ، ثقافتی تنوع ، فرقہ وارانہ ہم آہنگی مضبوط ہو رہی ہے اور جموں وکشمیر جدید اور اَبدی علامت کے طور پر اُبھر رہا ہے۔‘‘لیفٹیننٹ گورنر نے اِنتظامیہ ، شراکت دار محکموں ، ایس اے ایس بی ، پولیس اور سیکورٹی فورسز کے سینئر اَفسران کے ساتھ جائزہ میٹنگ منعقد کرکے یاترا کی بقیہ مدت کے دوران بہترین خدمات کے لئے جوش و جذبے کو برقرار رکھنے ، ہموار رابطہ کاری ، مؤثر مواصلات اور یاتریوں سے آرأ کی حوصلہ اَفزائی کرنے کی ہدایت دی۔اُنہوں نے مزید کہا کہ یاتریوں کو ہر ممکن سہولیات فراہم کرنے کو یقینی بنائیں۔لیفٹیننٹ گورنر نے یاتریوں کے لئے سیکورٹی اِنتظامات ، ہیلی آپریشنز ، سہولیات جیسی رہائش ، خوراک ، رابطے ، ٹرانسپورٹیشن ، بجلی اور پانی کی فراہمی ، صفائی ، صحت فائر ٹینڈروں کی دستیابی ، پارکنگ سہولیات ، بیداری اور آئی اِی سی پروگراموں کا جائزہ لیا۔میٹنگ میں راستے میں باڑ اور سی سی ٹی وِی کیمروں کی تنصیب، موبائل ٹیسٹنگ وین سے کھانے کے معیار کی باقاعدگی سے جانچ پڑتال اور موسمی حالات کے پیش نظر محکموں ، پولیس ، سیکورٹی فورسز ، ہیلتھ اور ڈیزاسٹر ریسپانس ٹیموں کی تیاری اور اہم نکات پر بھی تبادلہ خیال کیا گیا۔سیکرٹری منصوبہ بندی ، ترقی اور نگرانی محکمہ ڈاکٹر راگھو لنگر اور ضلع ترقیاتی کمشنر گاندربل شیامبیر نے لیفٹیننٹ گورنر کو بال تل پر یاترا کے اِنتظامات سے آگاہ کیا۔لیفٹیننٹ گورنر نے اَپنے دورے کے دوران پونے والوں ، دُکانوں کے مالکان ، خیمہ فراہم کرنے والوں ، لنگر آرگنائزیشنوں اور این جی اوز کے نمائندوں پر مشتمل وفود سے بات چیت کی۔اُنہوں نے خدمات فراہم کرنے والوں ، این جی اوز ، رضاکاروں کی لگن اور عزم کو سراہا اور پوتر یاترا کی تقویت دینے اور یاتریوں کوناقابل بیان خوشی دِلانے میں ان کے انمول تعاون کی تعریف کی۔اُنہوں نے بابا اَمرناتھ جی کے شردھالوئوں کو بغیر کسی رُکاوٹ کے خدمات فراہم کرنے کے لئے متعلقہ فریقوں سے تجاویز بھی طلب کیں۔لیفٹیننٹ گورنر نے بیس کیمپ میںماحول دوست لنگر کا دورہ کیا جو محکمہ دیہی ترقی کی کوششوں سے سواہا ریسورس مینجمنٹ کے تعاون سے بنایا گیا تھا۔اُنہوں نے سی آر پی ایف کی طرف سے لگائے گئے لنگر کا بھی اِفتتاح کیا ، یاتریوں میں پٹسن کے تھیلے اور ورمی کمپوسٹ کے تھیلے تقسیم کئے ۔لیفٹیننٹ گورنر کے ہمراہ سی اِی او شری اَمرناتھ جی شرائین بورڈ ڈاکٹر مندیپ کمار بھنڈاری ، اے ڈی جی پی کشمیر وِجے کمار، ڈی آئی جی سوجیت کمار سنگھ اور یوٹی اِنتظامیہ ، شری اَمرناتھ جی شرائین بورڈ ، پولیس اور فوج کے دیگر سینئر اَفسران بھی تھے۔
