17 سے 24 نومبرتک انٹیگریٹیڈکمیونیکیشن آؤٹ ریچ پروگرام کا انعقاد کیا جائے گا
لازوال ڈیسک
جموں؍؍ مختلف مرکزی اسپانسرڈ اسکیموں (سی ایس ایس) کے بارے میں بیداری پھیلانے کے لیے سنٹرل بیورو آف کمیونیکیشن (سی بی سی) کی طرف سے 17 سے 24 نومبر 2024 تک ایک مربوط کمیونیکیشن آؤٹ ریچ پروگرام (آئی سی او پی) کا انعقاد کیا جائے گا۔یہ نمائش مڑھ جموں میں جھیڑی میلے کا ایک حصہ ہوگی اور اس میں زراعت، صحت، ہاؤسنگ، سوچھتا، حیوانات، بھیڑ پالنے، پھولوں کی زراعت، باغبانی، اسٹارٹ اپس، اسکالرشپ، سماجی امداد، ماحولیات کے لیے طرز زندگی اور دیگر سے متعلق مختلف سرکاری اسکیموں کی نمائش ہوگی۔اس دوران سیمینار، ڈرائنگ مقابلے، ثقافتی پروگرام، اوپن کوئز، سیلفی کارنر اور گورنمنٹ آف انڈیا کا ‘نیو انڈیا سماچار’ میگزین نوجوانوں کے لیے پرکشش مقامات ہوں گے۔
https://www.cbc.ca/news
وہیںملٹی میڈیا نمائش کے لیے لوگوں کو متحرک کرنے کے لیے، 13 اور 14 نومبر کو بالترتیب جی ایچ ایس ایس گو منہاساںاور جی ایچ ایس ایس گجنسو، مڑھ میں دو قبل از تشہیر پروگرام منعقد کیے گئے۔اس دوران جی ایچ ایس ایس گومنہاساں میں ڈرائنگ مقابلہ اور سیمینار کا انعقاد کیا گیا جس میں جی ایچ ایس ایس، جی جی ایچ ایس اور جی ایم ایس گو منہاساںکی فیکلٹی کے ساتھ طلباء اور مقامی لوگوں نے شرکت کی۔وہیں جی ایچ ایس ایس گجنسو ڈرائنگ مقابلہ اور سیمینار میں فیکلٹی، طلباء اور مقامی لوگوں نے شرکت کی۔
دریں اثناء انچارج سنٹرل بیورو آف کمیونیکیشن، فیلڈ آفس پونچھ، وجے مٹو نے اپنے خطبہ استقبالیہ میں کہا کہ سنٹرل بیورو آف کمیونیکیشن اپنے فیلڈ دفاتر کے ذریعے دور دراز کے علاقوں تک پہنچ کر مختلف سرکاری اسکیموں کے بارے میں بیداری پھیلانے کے لیے نمائشوں، گانوں اور اسکٹس کے ذریعے آگاہی فراہم کرتا ہے۔انہوںنے اس موقع پر کئی سرکاری اسکیموں پر بھی روشنی ڈالی۔انہوں نے طلباء پر زور دیا کہ وہ ملٹی میڈیا نمائش کے حوالے سے پیغام کو عام کریں جس سے لوگوں کو مختلف حکومتی اقدامات کے بارے میں مزید جاننے اور اس سے فائدہ اٹھانے میں مدد ملے گی۔
