مریضوںسے کی بات چیت ، صحت کی دیکھ بھال کی خدمات کا جائزہ لیا
لازوال ڈیسک
کرگل؍؍ چیئرمین/چیف ایگزیکٹیو کونسلر، ایل اے ایچ ڈی سی، کرگل، ڈاکٹر محمد جعفر اخون نے آج پی ایچ سی شارگول کا دورہ کیا تاکہ ہسپتال کے کام کاج اور مریضوں کو فراہم کی جانے والی صحت کی دیکھ بھال کی خدمات کا جائزہ لیا جا سکے۔وہیںدورے کے دوران سی ای سی نے ہسپتال کے کام کاج کا تفصیلی جائزہ لیا اور پی ایچ سی کے مختلف سیکشنز کا دورہ کیا۔انہوں نے مریضوں سے بھی بات چیت کی اور ان کی صحت اور خیریت دریافت کی۔
ڈاکٹر جعفر نے ان سے فراہم کی جانے والی صحت کی خدمات کے بارے میں بھی دریافت کیا۔اس موقع پر سی ای سی نے بی ایم او اور ان کی ٹیم کو سال 2023-24 کے لیے این ایچ ایم کے ذریعے نیشنل کوالٹی ایشورنس سٹینڈرڈز کے تحت ریاستی سرٹیفیکیشن حاصل کرنے پر مبارکباد دی۔ انہوں نے انہیں مشورہ دیا کہ وہ اچھے کام کو جاری رکھیں اور لوگوں کو بغیر کسی پریشانی کے صحت کی دیکھ بھال کی خدمات فراہم کریں۔
