ستیش دھون سنٹر سی یو جے میں نینو سائنس اینڈ میٹریلز کے زیر اہتمام پینل ڈسکشن
لازوال ڈیسک
جموں؍؍ جموں کی سنٹرل یونیورسٹی کے شعبہ نینو سائنس اینڈ میٹریلز نے وائس چانسلر پروفیسر سنجیو جین کی سرپرستی اور رہنمائی میں جمعرات کو ایک مائنڈ میٹ کا انعقاد کیا۔واضح رہے صحت کی دیکھ بھال فی الحال ایک اہم تشویش ہے، اس شعبے میں بائیو سینسرز ایک اہم کردار ادا کر رہے ہیں۔ جموں کی سنٹرل یونیورسٹی نے بائیو سینسرز کے شعبے میں نوجوان ذہنوں کی حوصلہ افزائی اور مشغولیت کے لیے جمعرات کے روز ذہن سے ملاقات کا پروگرام منعقد کیا۔وہیں انسٹی ٹیوٹ آف مائکروبیل ٹیکنالوجی، آئی آئی ٹی روپڑ کے سابق چیف ریسرچ سائنٹسٹ پروفیسر سی رمن سوری اور پنجاب یونیورسٹی میں اسکول آف مینجمنٹ کی پروفیسر گن مالا سوری کو پروگرام کے مہمان خصوصی کے طور پر اعزاز سے نوازا گیا۔اس موقع پرڈاکٹر پروین کمار مہتا، ایک ایسوسی ایٹ پروفیسر شعبہ نینو سائنس اینڈ میٹریلز نے معزز سامعین کو گرمجوشی سے خوش آمدید کہا اور بحث کے موضوع کا تعارف پیش کیا۔ وہیںتقریب نے بائیو سینسرز میں نمایاں پیش رفت اور صحت کی دیکھ بھال کی صنعت میں ان کی اہمیت پر روشنی ڈالی۔پروگرام کا آغاز پروفیسر سی رمن سوری کی ایک معلوماتی پیشکش سے ہوا۔ انہوں نے صحت کی دیکھ بھال میں کمپیوٹیشنل اور لیب آن چپ پروگراموں کے درمیان تعلق اور ان کو متعارف کرانے کے طریقہ پر تبادلہ خیال کیا۔وہیںپروگرام ایک بحث کے ساتھ آگے بڑھا جس میں طلباء کے پینلسٹ شامل تھے۔
