امرتسر؍؍شری گرونانک دیو جی کے 550ویں پرکاش پرو منانے کے لئے 1303 سکھ عقیدت مندوں کا جتھ آج پاکستان میں واقع گردوارہ شری ننکانہ صاحب کے لئے روانہ ہوگیا۔جتھے کی قیادت شرومنی گردوارہ پربندھک کمیٹی کے رکن گرمیت سنگھ بوہ، بابا چرن جیت سنگھ جیسوال، بی بی رویندر کور اجرنا کررہے ہیں۔ ایس جی پی سی کے سکریٹری ڈاکٹر روپ سنگھ نے آج یہاں بتایا کہ 550ویں پرکاش پرو کے موقع پر گردوارہ شری بیر صاحب سلطانپور لودھی اور ڈیرا بابا نانک کے ساتھ ساتھ پاکستان میں واقع گردوارہ شری ننکانہ صاحب اور گردوارہ شری کرتاپور صاحب پاکستان میں بھی خصوصی تقریب ہورہی ہے ۔ انہوںنے کہا کہ شرومنی کمیٹی کی طرف سے 1303 عقیدت مندوں کا جتھہ پاکستانی بھیجا رہا ہے ۔ انہوںنے کہا کہ پاکستانی سفارت خانہ کے ذریعہ 342 عقیدت مندوں کا ویزا رد کرنے سے عقیدت مندوں کے مذہبی جذبات کو ٹھیس پہنچی ہے ۔
