سالگرہ 11 اگست کے موقع پر جاری
ممبئی، 11 اگست (یو این آئی) بالی وڈ کے ماچومین سنیل شیٹی کا ایک ایسے کثیر جہتی اداکار کے طور پر شمار کیا جاتا ہے جنہوں نے نہ صرف ایکشن بلکہ مزاحیہ اور منفی کردار بھی نبھا ئے اور سامعین کو اپنا دیوانہ بنالیا۔ سنیل کو بالی ووڈ کی انا کے نام سے بھی جانا جاتا ہے۔ 90 کی دہائی میں ایکشن ہیرو رہنے والے سنیل شیٹھی نے اپنی اداکاری اور اداکاری کے بل بوتے پر لوگوں کے دلوں میں جگہ بنائی تھی جس کی وجہ سے آج بھی سینما میں زیادہ فعال نہ ہونے کے باوجود لوگ ان کے ڈائیلاگز کو یاد کرتے ہیں۔
کرناٹک کے منگلور میں 11 اگست 1961 کوپیدا ہوئے .اپنے ڈائیلاگز سے کروڑوں لوگوں کو دیوانہ بنانے والے سنیل شیٹی آج اپنی سالگرہ منا رہے ہیں۔سنیل شیٹی نے اپنے فلمی کیریئر کا آغاز 1992 میں آئی فلم ’’بلوان‘ ‘ سے کیا۔ اس فلم میں انہوں نے زبردست ایکشن مناظر دے کر ناظرین کو خوش کر دیا۔ 1994 میں فلم ’’موہرہ‘‘ ان کے کیریئر کی پہلی بلاک بسٹر فلم ثابت ہوئی۔
موہرہ کی کامیابی کے بعد سنیل شیٹی کی شبیہ فلم انڈسٹری میں ایک ایکشن ہیرو کے طور پر بن گئی اور اس کے بعد فلم سازوں نے ان کی اسی شبیہ کو سلور اسکرین پر پیش کیا ۔ ان کی ایکشن فلموں میں انت، سركشا، ٹكر، ركشك، سپوت وغیرہ شامل ہیں۔
سال 2000 میں فلم ’’ہیراپھیری‘‘ سنيل شیٹی کی اہم فلم میں شمار کی جاتی ہے. ہیں۔ پریہ درشنک کی ہدایت میں بنی اس فلم سے پہلے لوگوں کا خیال تھا کہ وہ صرف ایکشن فلمیں ہی کرسکتے ہیں لیکن اس فلم میں انہوں نے اکشے کمار اور پریش راول کے ساتھ مل کر اپنی اداکاری سے ناظرین کو محظوظ کر دیا۔ فلم کی کامیابی کو دیکھتے ہوئے 2006 میں اس فلم کا سکوئیل ’’پھر ہیرا پھیری‘‘ بنای گئی۔
