2024 میں مرکزی یونیورسٹیوں میں 39 ویں پوزیشن حاصل کی
لازوال ڈیسک
جموں ؍سنٹرل یونیورسٹی آف جموں نے باوقار انڈین انسٹی ٹیوشنل رینکنگ فریم ورک 2024 میں مرکزی یونیورسٹیوں میں 39 ویں پوزیشن حاصل کرکے ایک قابل ذکر سنگ میل حاصل کیا ہے۔
وہیں پروفیسر سنجیو جین، اعزازی وائس چانسلر، سنٹرل یونیورسٹی آف جموں نے پوری اکیڈمک کمیونٹی کو ان کی لگن اور محنت کے لیے دلی مبارکباد پیش کی جس کی وجہ سے یہ شاندار پہچان حاصل ہوئی۔ انہوں نے اس بات پر زور دیا کہ تحقیقی عمدگی کو فروغ دینے اور اعلیٰ معیار کی تعلیم کو یقینی بنانے میں سی یو جی کی مسلسل کوششیں اس درجہ بندی کے ساتھ ثمر آور ہیں۔
وہیںانڈین انسٹیٹیوشنل رینکنگ فریم ورک (آئی آئی آر ایف) یونیورسٹیوں کا اندازہ کئی پیرامیٹرز کی بنیاد پر کرتا ہے جن میں تدریس، سیکھنے، تحقیق، رسائی اور شمولیت شامل ہیں۔ ان درجہ بندیوں میں CUJ کی نمایاں پوزیشن اعلیٰ تعلیم کے میدان میں اس کی بڑھتی ہوئی اہمیت اور اثر کو واضح کرتی ہے۔پروفیسر سنجیو جین نے تمام فیکلٹی ممبران، محققین اور طلبائ کا اس سنگ میل کو حاصل کرنے میں ان کے تعاون کے لیے شکریہ ادا کیا۔
