آگ بجھانے کی کاروائی جاری ہے:رینج آفسر
مختار احمد
گاندربل؍؍سندھ جنگلات کے سوئیل رینج میں آگ نمودار تاہم رینج آفسر کے مطابق آگ پر قابو پانے کے لئے کاروائی جاری ہے۔اطلاعات کے مطابق سندھ فارسٹ گاندربل کے سوئیل رینج کے کمپارٹمنٹ 52 میں سوموار کو اچانک آگ نمودار ہوئی جنگلات میں سوکھی گھاس کی بھاری مقدار کی وجہ سے آگ نے کم۔وقت میں ایک بڑے علاقے کو اپنی لپیٹ میں لیا اگرچہ محکمہ نے فوری اپنے عملے کو علاقے میں آگ بجھانے کے روانہ کیا تاہم آگ پر پوری طرح قابو نہیں پایا جاسکا۔اس حوالے سے جب رینج آفسر سوئیل محمد محسن سے جانکاری حاصل کرنے کے لئے رابطہ کیا گیا تو اْنہوں نے کہا کہ آگ بجھانے کے عملہ لگا ہوا ہے اور بہت جلد آگ کو قابو کیا جائے گا اْنہوں نے کہا کہ اْن کی پہلی ترجہی آگ کو پھیلنے سے روکنا ہے اْنہوں نے کہا کہ جنگل میں سوکھی گھاس موجود ہونے کی وجہ سے آگ پر جلدی قابو نہیں پایا جارہا تاہم بہت جلد آگ کو بجھایا جائے گا اْنہوں نے مزید کہا کہ اگرچہ آگ سے کچھ زیادہ نقصان نہیں ہوا ہے تاہم کچھ تعداد میں چھوٹے بوٹے آگ سے جل گئے ہیں اْنہوں نے کہا کہ عملہ آگ بجھانے میں لگا ہے اور بہت جلد آگ پر قابو پایا جائے گا۔
