یو این ائی
سری نگر؍؍ صوبائی کمشنر کشمیر وجے کمار بدھوری کا کہنا ہے کہ سری نگر میں ہر گھر کو ایک منفرد آئی ڈی نمبر دیا جائے گا۔انہوں نے کہا کہ اس نمبر سے لوگوں کا پتہ معلوم کرنے میں آسانی ہوگی۔ان کا کہنا تھا کہ اگلے ہفتے کو ڈیجیٹل ہفتے کے بطور منایا جائے گا۔موصوف صوبائی کمشنر نے ان باتوں کا اظہار پیر کو یہاں نامہ نگاروں کے ساتھ بات کرنے کے دوران کیا۔انہوں نے کہا: ‘سری نگر میں ہر ایک گھر کو ایک منفرد آئی ڈی نمبر دیا جائے گا یہ لوگوں کے لئے ہوتا ہے اس سے لوگوں کا پتہ معلوم کرنے میں آسانی ہوتی ہے کیونکہ بہت ساری گلیاں ایسی ہوتی ہیں جن کے یکساں نام ہوتے ہیں جس سے کنفیوڑن ہوجاتا ہے’۔ان کا کہنا تھا کہ اس سے انتظامیہ کو بھی آسانی ہوتی ہے۔مسٹر بدھوری نے کہا کہ اگلے ہفتے کو ڈیجیٹل ہفتے کے بطور منایا جائے گا۔انہوں نے کہا کہ اس میں ای آفس میں فیلڈ سطح پر لایا جائے گا جو سکریٹریٹ سطح پر پہلے ہی چل رہا ہے۔ان کا کہنا تھا کہ اس طریقے سے اننت ناگ یا کپوارہ سے کسی کو فائل لے کر یہاں آنے کی ضرورت نہیں ہے۔انہوں نے کہا کہ اس سے شفافیت یقینی بن جائے گی اور یہ ایک ماحولیات فرنڈلی طریقہ کار ہے۔صوبائی کمشنر نے کہا کہ اس طریقے سے فائل کو کلک کرکے چیک کیا جاسکتا ہے کہ وہ کہاں اور کس کلرک کے پاس ہے۔انہوں نے کہا کہ ایس ایم سی علاقوں میں پائلٹ بنیادوں پر یہ کام شروع کیا گیا ہے اور سب کے گھروں کے باہر ایک پلیٹ لگا دیا جائے گا۔
