سری نگر، // گرمائی دارلحکومت سری نگر میں جمعرات کی صبح ایک تیز رفتار ٹپر سڑک سے لڑھک کرجھیل ڈل میں گر گیا جس کے نتیجے میں ڈرائیور کی بر سر موقع ہی موت واقع ہوگئی۔
ذرائع نے بتایا کہ سری نگر میں جمعرات کی صبح ایک تیز رفتار ٹپر زیر رجسٹریشن نمبر JK06 – 2692 مکائی پوائنٹ کے نزدیک سڑک سے لڑھک کر جھیل ڈل میں گر گیا جس کے نتیجے میں ڈرائیور کی بر سر موقع ہی موت واقع ہوگئی۔
انہوں نے متوفی ڈارئیور کی شناخت طارق احمد کھٹانہ ساکن کنگن گاندربل کے بطور کی ہے۔
دریں اثنا پولیس نے ڈرائیور کی لاش کو پانی سے باہر نکال کر طبی و قانونی لوازمات کی ادائیگی کے لئے ہسپتال منتقل کیا ہے۔
پولیس نے اس ضمن میں ایک کیس درج کرکے کارروائیاں شرور کی ہیں۔
