وارڈ 26 تمام جدید انفراسٹرکچر سے لیس ہے اور یہ سابق ایم ایل اے کی مدد سے ہے :منکوٹیا
لازوال ڈیسک
جموں؍؍ سابق وزیر اور سابق ایم ایل اے جموں ویسٹ ست شرما نے کارپوریٹر ہردیپ سنگھ منکوٹیا کے ساتھ وارڈ 26 کے وکاس نگر علاقے میں گلیوں اور نالوں کی تعمیر کا کام شروع کیا۔ وہیںشرما کے ساتھ منڈل صدر اتل بخشی اور مقامی باشندوں اور علاقے کے سیاسی کارکنان سمیت لوگوں کی بڑی تعداد بھی موجود تھی۔ اس موقع پر بات کرتے ہوئے ست شرما نے کہا کہ وارڈ 26 میں بنیادی تشویش کئی دہائیوں پرانے پانی کے پائپ اور سیوریج سسٹم کی تھی جسے ان کے ایم ایل اے کے دور میں مکمل طور پر تبدیل کر دیا گیا تھا۔ انہوں نے کہا کہ کروڑ وںروپے خرچ کیے گئے اور یہ کام ایرا (اکنامک ری کنسٹرکشن ایجنسی) کی نگرانی میں جموں مغربی اسمبلی حلقہ کے تمام وارڈوں میں کیے گئے اور اس کام سے مقامی لوگوں کے بہت سے مسائل حل ہوئے۔ انہوں نے کہا کہ اب حلقہ انتخاب بشمول وارڈ 26 کے گھروں میں پینے کا صاف پانی اور ایک چینلائزڈ سیوریج سسٹم ہے جو کہ 30 سال سے زیادہ پہلے سے ایک مسئلہ تھا ۔وہیںہردیپ سنگھ منکوٹیا نے سابق ایم ایل اے کے فعال نقطہ نظر کی تعریف کی اور کہا کہ وارڈ 26 تمام جدید انفراسٹرکچر سے لیس ہے اور یہ سابق ایم ایل اے کی مدد سے ہے جو عوام کو بہترین ممکنہ خدمات فراہم کرنے کے لئے اب بھی 24*7 کام کر رہے ہیں۔
