یواین آئی
لکھنؤ؍؍ اترپردیش ملک کا پہلا صوبہ ہے جس نے 30 ہزار میگا واٹ سے زیادہ ڈیمانڈ کے مطابق بجلی سپلائی کرنے کا ریکارڈ بنایا ہے۔آفیشیل ذرائع نے دعوی کیا ہے کہ 12 جون کو اترپردیش پاور کارپورشین نے اترپردیش کی سب سے زیادہ ڈیمانڈ30240 میگاواٹ کو پورا کیا۔ اسی دن کسی بھی دن کی سب سے زیادہ سپلائی 653.526 ملین یونٹ(ایم یو) کا نیا ریکارڈ بھی بنا۔
اترپردیش پاور کارپوریشن چیئرمین ڈاکٹر آشیش گوئل نے دعوی کیا کہ ریاست میں پہلی بار گرمی میں صارفین کو 24 گھنٹے بجلی سپلائی کی جارہی ہے۔ زیادہ درجہ حرارت اور گرمی کی وجہ بجلی سپلائی یومیہ نئے ریکارڈ قائم کررہی ہے اور بجلی ملازمین کی جدوجہد سے سپلائی کا ریکارڈ بھی بن رہا ہے۔انہون نے بتایا کہ 11 جون کو ریاست کی تاریخ میں سب سے زیادہ بجلی ڈیمانڈ29820 میگا وات پہنچ گئی تھی۔ بجلی خرچ بھی تقربا 643 ایم یوپہنچی تھی۔یہ ریکارڈ 12 جون کو ٹوٹ گیا اور نیا ریکارڈ بنا۔گذشتہ 24جولائی 2023 میں زیادہ سے زیادہ ڈیمانڈ 28284 میگاووٹ کا ریکارڈ بنا تھا۔ لیکن اس بار مئی مہینے میں یہ ریکارڈ ٹوٹ گیا جب 22 مئی کو 28.336 میگا واٹ تک ڈیمانڈ کی سپلائی کی گئی۔
ڈاکٹر گوئل نے افسران کو ہدایت دی ہے کہ لگاتار پڑرہی خطرناک گرمی اور بجلی سپلائی کی مانگ میں ہورہے اضافے کو دیکھتے ہوئے محتاط رہیں۔ سبھی ملازمین اس چیلنجنگ وقت میں پوری لگن اور محنت کے ساتھ اپنی ذمہ داریوں کی ادائیگی کریں۔ فون اٹھائی۔ علاقے میں پٹرولنگ کریں اور ٹول فری نمبر 1912 پر آنے والی اطلاعات پر فورا کاروائی کریں۔چیئرمین کا کہنا ہے کہ بجلی ڈیمانڈ کے مطابق بجلی کا نظم کیا جارہا ہے۔ پاور کارپوریشن نے پیش قیاسی کے مطابق بجلی فراہمی کا نظم کررکھا ہے۔ اور ڈیمانڈ بڑھنے پر اضافی بجلی بھی وقت کے اندر فراہم کی جارہی ہے۔
